得閒圍脖

潮流版記者Moe：

做我們這一行，深宵寫稿是等閒事。昨晚小記作戰不久，肚子即咕咕作響，為免破壞進行中的減肥大計，即食麵已列入黑名單，但單食烏冬（約160卡路里）又嫌太寡，加腸仔、餐肉一定超標，幸好家裏有DHC新出的低卡好味餐，一盒咖喱雞只有143卡路里，加埋烏冬也只是300卡！內疚感大大減少！（按：減肥時每天攝取的熱量最好在1,400-1,750卡路里之間，換句話說，每餐熱量應控制在460-600卡路里。）

潮流版記者Kiki：

接上期講東京出Trip的有趣事，今次就要講我第一次食河豚刺身！記得之前睇電視旅遊節目介紹日本的河豚刺身，因為河豚內臟含劇毒，如果師傅手勢唔好，在炮製刺身時弄穿毒液，便會令食客中毒身亡，所以今次食之前都有點怕怕；但同行的行家卻說河豚刺身好爽脆，口感一流，於是膽粗粗一試，原來河豚的皮好似飲宴食的海蜇，而且味道十分清淡，雖然不是想像中般好吃，但卻一試難忘！

潮流版記者Sanna：

持續寒冷天氣確實難頂，所以每晚特別會鋪上保暖氈仔畀我兩隻愛貓瞓覺。不過兩隻貓都對其中一張氈仔特別鍾情，仲經常爭住瞓。早幾日見佢兩個一齊瞓喺呢張氈仔上面，仲以為佢哋兩個好Friend好親密，再睇多一陣，先至發覺原來係大家互相攝位鬥推開大家，非常搞笑！