on.cc 東方互動主頁

港台明星　冇走雞

據說娛圈中人超過大半都愛叫「雞」，仲要專登飛去台灣幫襯，完事後還公然拍照留念，搞咩咁大膽呀？原來係一間叫「台灣一品花雕雞」的雞煲令佢哋非叫不可。上兩個月此「雞」終於殺入香港，相信必定會成為另一名人飯堂。

名人、明星，經常食盡佳餚，還有甚麼能令他們掛住掛住成日想食？這間在台灣開業10年的「台灣一品花雕雞」就吸引不少港台明星專程去幫襯，例如國際巨星周潤發、青春偶像吳尊、周秀娜、阿Sa、S.H.E、黑人（陳建州）、林熙蕾、吳彥祖等，而現在我們不用飛去台灣都可以在香港一嘗這股星級美味。

靈活多變夠好玩

由台灣始創人蔡啟漢（人稱蔡董）與本地飲食界猛人、黃氏兄弟飲食集團負責人之一的黃浩（Kenny）所開辦的「台灣一品花雕雞」，位於銅鑼灣鵝頸橋附近的樓上舖，門口位置有點隱蔽，最適合明星在此打躉，而吸引他們非來食不可的，當然是店子的招牌菜「一品花雕雞鍋」，用上15年陳年花雕製成的秘製醬汁炮製，那股引死人的鮮濃酒香，加上蔡董自創的「雞煲3食」：先將雞煲吃完為之一食，然後將台灣直送的煙韌粿條拌勻香濃醬汁入口，為之第二食，最後只要加$50便會在鍋中加入雞湯及秘醬，即時變成港人最愛的火鍋，淨係咁靈活的食法，就令一班搞鬼的青春偶像為之傾倒，貪佢食得又玩得。

一店兩舖夠創新

店子的驚喜其實陸續有來，只要你翻轉「台灣一品花雕雞」的Menu，便會發現另一店舖品牌「阿三沙茶肥牛鍋」，原來這間店由Kenny創立，主打港人至愛的火鍋，湯底有十幾款選擇，例如清甜的番茄湯、濃稠惹味的沙茶湯，還有限量的崩砂腩鍋，而且配料選擇極多，由於大廚出身自火鍋世家，對於挑選食材甚有心得，加上人面廣，自然取得不少靚貨，包括每天新鮮人手切的本地肥牛、全手打肉丸、豬仔膶等。通常明星們吃飯都會一班人熱熱鬧鬧，這裏一店兩舖，多一個選擇又唔使四圍騰，不難成為2011名人新食竇！