家添喜慶
農曆新年將至，係時候趕緊布置家居，迎接親朋好友上門拜年。雖然所謂布置來來去去都離不開貼揮春、擺全盒等，但只要花點心思，就可「家」添節日氣氛。若再配合一套精緻款客茶具，自然個個嚟到都坐到唔捨得走啦！大家都知道，揮春掛飾的語句要講意頭夠順口，至於擺設及全盒就更加要造型突出、色調亦需鮮艷搶眼，唔係點夠帶起喜慶氣氛？
裝飾掛字 福氣滿屋
傳統一張紅紙加幾隻大字嘅揮春固然可以表達心意，但你唔嫌悶我都厭，今年一於搞搞新意思，揀番個別出心裁嘅祝賀語揮春，或者放番幾款特色擺設應應節啦！
茶具套裝 款客必備
不論中式西式，新派人還是舊派人，農曆新年屋企點都要有番套茶具看門口，唔係點招呼一眾親朋好友？
百變全盒 甜到入心
全盒亦即攢盒，而「攢」則有拼合聚集之意，因此載滿各式可口味美糖果小點的全盒，就象徵集合各方好運喜氣、所以食過全盒食品豈止甜到入心，仲包你全年行好運，唔精心揀番個全盒又點得？
呢個新年「掂」呀！