熱辣鐵板燒　食正180°煙花位

新年睇煙花已經成為不少香港人的習慣，年初二晚，街上人頭湧湧、逼來逼去都係為咗睇「賀歲煙花匯演」，唔想逼，有否更好選擇？當然有，一係坐定定睇電視直播；二係Book定海景餐廳近距離食住睇。仲要問我點揀？JC Group旗下的兩間餐廳鐵板燒海幸及Harlan's Bar and Restaurant就已經Set定煙花餐等你，唔使再問啦！諗吓食日式鐵板燒抑或精緻歐陸菜好過啦！

飲食集團JC Group旗下餐廳眾多，H ONE、THE BOX、Harlan's等，相信蒲慣中環的人無不認識，早前更新加入了「鐵板燒海幸」，餐廳位於銅鑼灣世貿中心，面對整個維港景致，年初二更會推出只限一日的煙花套餐。

新派鐵板蒸滑蛋

與鐵板燒海賀屬姊妹店、主打日本鐵板燒的鐵板燒海幸，同樣以正宗日本鐵板燒料理作賣點，但海幸的價錢較相宜外，風格上沒有海賀般嚴肅，多幾分創意。據說坐鎮的關師傅曾於加拿大多倫多機場希爾頓酒店及多家著名日本料理店工作逾12年，而現時店內大部分菜式都是他和同事們一起鑽研出來的，無論用料和煮法都很獨特，好像招牌菜「海膽蒸蛋」，先將雞蛋殼的頂部敲碎，倒出蛋液後，再將加入了木魚湯的日本蛋汁倒回蛋殼內，然後在蛋殼旁的鐵板表面加入熱水後即時冚蓋，透過熱力將之蒸熟，3分鐘後，滑溜蒸蛋就食得，賣相和製作過程甚為吸引，啱晒貪新鮮的年輕人。

飽覽維港景色

要到鐵板燒海幸，需從同屬JC Group的意日Fusion餐廳Hooray拾級而上，甫入店內，即見採用進口日本松木和竹為主的裝潢，散發出雅致的東瀛傳統氣息。而最吸引的，莫過於左邊的玻璃窗面向銅鑼灣遊艇會，只要選坐鐵板燒爐前的「吧枱」位，不單可跟師傅作近距離接觸，更可將師傅身後那迷人的海景飽覽無遺，煙花匯演更無所遁形地呈現在你面前。而特別在年初二晚推出的九道菜煙花餐，每位收費$888，即可嘗到每天從日本新鮮抵港的魚生、黑魚子海膽蒸蛋、原隻鹽焗鮑魚及安格斯頂級牛柳等，用的全部是貴價食材，質素有保證。另為了迎合有小朋友的家庭，餐廳更特設兒童煙花餐，基本上與大人吃的菜式無異，但就把生的刺身轉為壽司、鮑魚改為啖啖肉的銀鱈魚及帶子，同為九道菜，每位小朋友亦只需$588，全家人一邊欣賞璀璨煙火，一邊品嘗惹味鐵板燒，總好過在街上逼餐懵吧！

查詢：2895 0885