愛分享

Coffee Wants to Share 新年去日本食海膽

電視藝員林婉霞（Coffee）：「我一向喜歡食日本菜，火鍋、日式燒烤都是心水，但講到最喜歡的始終是刺身，例如三文魚、吞拿魚及海膽都是我的至愛。雖然最近日圓新高，連帶高級日本料理收費都水漲船高，但為咗獎勵自己過去一年嘅辛勞，已經計劃好新年同朋友去日本築地品嘗地道的海膽刺身宴。之前上網做過資料搜集，雖然築地有不少出名的餐廳，但由於遊客太多，唔排番一、兩個小時隊，都很難品嘗到人氣餐廳的招牌菜，而我的第一目標是海膽丼，食完仲未飽的話，可以食埋壽司及刺身餐，真係諗起都流口水。」

I Use 千變iPhone套唔怕撞款

「有朋友送了部iPhone 4給我做聖誕禮物，依家差不多日日都『單撈』新Apps玩，每逢返公司拍劇，化好妝等出場前都會拿出來打機，用來打發時間一流。最近更換了一個Mix & Match新出的iPhone 4套，一個套由三部分構成，每部分的顏色都有成十幾款揀，可以組合出過千種配搭，咁就唔怕撞款啦！」

I Like JVC 耳機夠穩陣

「雖然最近天氣相當寒冷，但我一有時間都會落街跑步做運動，朋友知我喜歡戴住耳機一邊跑步一邊聽歌，就介紹咗一款防跌耳機JVC HA-FX67畀我。由於在耳機後方加入硅膠氣墊，放入耳朵時會緊貼耳骨，增強防跌及隔音能力，就算跑步時駁MP3機聽歌都唔怕跌，而且音色細膩，開到大大聲都冇拆。」