重火力嘅高達一向多粉絲,難怪雖然動畫收視唔算高,不過X高達依然有唔錯嘅人氣,都係劇本惹嘅禍吧!講番正題,1/144嘅HGAW模型系列,最近就出咗X Gundam Dibaider,炮盾合一嘅招牌武器當然唔少得,可以變成風琴炮嘅發射形態外,亦可掛喺背部成為推進器,加埋雙連裝雷射步槍,以及喺動畫中只係出過一次嘅專用火箭炮,將X高達最擅長嘅射擊技能忠實呈現。X高達嘅粉絲入貨之餘,當然希望廠方早日出埋Double X Gundam啦!
HGAW 1/144 X Gundam Dibaider建議零售價:$179