聖誕假海邊搵食 「泰」好Feel

難得放假，當然要安排些活動來紓緩一下平日的工作壓力。唔想行街睇戲Shopping，於是相約好友遊車河，無意間更發現了位於深水灣的露天餐廳Coco Thai，這間鄰近沙灘、驟眼看恍如間小木屋的泰菜館，客人多半是外籍人士，邊吃邊有金髮小孩跑來跑去，充滿異國風情的氛圍，好好Feel！

對香港人來說，時間就是金錢，出外用膳，常遇見鄰座客人落單不夠10分鐘就催上菜，或者係幾分鐘快o趙一碟飯然後匆匆離座。不禁想：「有冇咁趕呀？」外國人就唔同，懂得歎慢板，會找間像Coco Thai般環境舒適的開揚食店Hea上半天，忙裏偷閒。

10分鐘遠離煩囂

餐廳開在泳灘旁邊，加上主打泰菜，甚具東南亞氣息，無論情侶、朋友或者一家大細來用膳都很適合。不少客人更選擇駕車到來，因為店門前設有咪錶，泊車夠方便。而從中環到此，車程只需10分鐘，即可遠離煩囂市區，望住大海吃惹味泰菜，寧靜的環境，加上餐廳播放着由泰國著名音樂人Anna Thomson揀選的悠揚泰國音樂，不禁要說一句：「泰」歎喇！

菜式大路但正宗

除了老外，泰國客人也多，原來這裏由侍應到大廚都是在香港定居的泰國人，泰藉負責人Lily以流利的廣東話說，泰國人班底經營泰國餐廳，客人會對食物的質素更有信心。而他們賣的是較大路的傳統泰國菜，如冬蔭功、香葉肉碎生菜包、柚子沙律等菜式，小食、沙律、湯、主菜、甜品等選擇俱備，Lily說款式雖然不算多，但客人也可點選餐牌以外的菜式，只要有材料，廚師會盡量滿足大家的要求。據說餐廳屬Cocobay集團旗下，集團由法國米芝蓮三星大廚Jean Paul主理，難怪這裏的食物水準亦有番咁上下。