Shinco E307大芒GPS內地快相位睇晒
新推出的Shinco E307汽車衞星導航系統，除顯示屏增大到4.7吋之外，仲加入最新版《Mapking Pro》中英語地圖，兼新增全國快相位網上更新功能，揸車返內地都唔怕遇上騎呢位，揸得更安全！
《Mapking》地圖 五年任更新
E307屏幕尺寸達4.7吋，睇地圖自然更加舒服，而且機身周邊圍上藍色邊框，外形更靚仔。一如以往，E307都內置雙地圖設計，今次就用上兩張最新版本電子地圖，包括新開發的《Mapking Pro》，當中提供多達9萬個地標及4,200條道路，樓宇覆蓋率達百分之九十九，資料非常準確齊全，更設有3D立體圖顯示，而且Mapking仲會提供5年網上無限次更新服務，就算起咗新路或新建築物都唔怕行錯，同時地圖已內置到系統內，使用時唔使另外加記憶卡。
三種語言 加福建話
至於另一張Shinco自家嘅電子地圖，涵蓋港、澳及內地超過2,800個縣市，對經常要穿梭中港兩地的司機相當有用，今次更新增全國快相位網上更新功能，只要上番Shinco網站就可以下載安全包數據，邊度有騎呢位一睇就知，喺內地揸車時就更加安心。另外，用家只要以手寫繁體中文，就可以搵到內地景點資料；語音提示方面，除了常用的普通話、廣東話及英語外，今次連福建話都有埋，唔怕聽唔明指示入錯線。
查詢：3669 9888
$1,690
E307同樣設有Micro SD記憶卡槽，可載入音樂及電影等內容。
內置《Mapking Pro》香港地圖及Shinco全國地圖。
提供多種景點搜尋功能，揸車去吃喝玩樂都咁方便。
新版《Mapking Pro》地圖設有3D顯示功能，並提供五年更新服務。
搜尋功能做得相當全面，如手寫輸入「時代廣場」即可顯示各種相關內容。
除普通話、廣東話及英語外，連福建話語音提示都有得揀。