得閒圍脖
Sanna：
依家水靴愈出愈靚，但水靴實在太阻地方，所以多年來都係得一對Hunter的綠色水靴。不過呢幾日睇1月號《SPUR》時，見到Hunter新出了黑色令面菱格紋水靴，嘩！真係型到爆，設計好有Chanel風範，唔止可以落雨時着，平日襯衫都非常之好，搞到我好想買番對。唔知香港幾時會返貨呢？
Kiki：
好耐都無同大自然接觸，早前入咗西貢行吓，撞正日落時候，見到美麗嘅黃昏景致，真係打從心底裏發出好輕鬆、無壓力嘅微笑。人生就好似朝陽同夕陽，無論是燦爛或者係陰暗，依然要生活，照舊運行無止息，在乎嘅只係有冇知音人欣賞！
Moe：
氣溫驟降至只有攝氏十多度，我當然第一時間撲出銅鑼灣買件大褸看門口，路經白沙道路口，看見賣寵物用品的攤檔有一張香蕉形狀的寵物床非常可愛，厚身夾棉舒服又夠暖，想起友人家中一隻迷你芝娃娃，短毛又細粒，非常怕凍，這個冬天給牠瞓香蕉床仔保保暖最適合不過，看看相片就知道牠瞓得多舒服！貓狗有人愛錫當然幸福，但街頭亦有不少流浪動物等待有心人照顧，希望大家也多關心牠們，齊齊過快樂聖誕啦！