為食霆鋒 打包血盆水煮魚

如果要選十大變臉藝人，除了那些樣貌由平凡變Sharp醒的歌手Model之外，相信謝霆鋒也會榜上有名，由他自細黑面跟父母影賀年全家福，到青靚白淨出道做歌手，及後變反叛、蠱惑仔造型跟身，現在則天天攬住老婆囝囝一臉住家男人幸福樣。點知佢原來仲有個為食相，更為嘗「駿景軒」的水煮魚片而不惜外賣仔上身！

平日我們買外賣，最怕買啲有湯汁的餸菜，細心的餐廳有時會將湯汁「另上」，以免弄瀉。但據「駿景軒」的員工透露，霆鋒不時會來買外賣，目標正係水汪汪嘅店內招牌菜「麻辣水煮鮮魚片」，並堅持要原兜打包買走，務求回家能夠由內至外品嘗箇中滋味，可見霆鋒的確勁愛這道四川名菜。

地道醬料煮湯底

剛在《米芝蓮指南 香港 澳門 2011》榮升一星食肆的駿景軒，提供傳統粵菜及川菜，其中川菜選擇是不少名人富豪的心水推介，餐廳中菜主廚梁業遠師傅表示，店內四川菜所用的材料，大部分由成都直送來港，並選取當地最優質的辣椒、香料、醬汁、木薯粉條等食材，加上有一位來自成都的大廚坐鎮，自然能夠煮出正宗口味。像「麻辣水煮鮮魚片」，除了用上成都辣椒及花椒外，更用上一種跟足當地人配方調製的醬料，內裏用上泡椒、四川郫縣出產之豆瓣醬和青紅花椒等香料，以之煮成的湯底聞落辛香，但吃來辣味溫和，打破了一般人對四川菜的典型印象，如梁師傅所言，四川的辣是香多於辣，更令人齒頰留香，而水煮湯底之中，還加入了大豆芽、青瓜，以及四川木薯粉條來增加口感，並吸收湯底之精華，配合滑溜桂魚片帶來鮮甜味道，令每個食客都不顧儀態，任由自己吃到變晒「孖膶腸」嘴！（那麼，小記開始明白為何靚仔霆鋒係都要打包回家吃了。）

心機粵菜 絕無僅有

這裏的粵菜與川菜選擇各佔一半，粵菜款式更跟足傳統，像一道「豉椒味菜炒肚尖」看似平平無奇，但梁師傅稱全港懂做這菜式的廚師不過10人，本港亦只有數家中菜館有供應，皆因豬肚尖超級講究處理及烹調功夫。肚尖是豬肚中最厚身的部位，佔整個豬肚不出兩成位置，要炒一道例牌分量便需用上兩個豬肚。大廚先將肚尖位切出，再細心切成如紙般薄的肚尖片，並以蛋白、食粉及鬆肉粉醃味，當中各醃料分量需計算得非常準確，確保炒出來的肚尖質地爽口。醃好的肚尖要以文火爆香，切忌炒過龍，否則會標水而令質地變韌，配上豉椒與味菜同炒，添上辛香味道，烹調過程中每一步驟都講求經驗與技巧。另外，甚為補身的杏汁白肺湯，一般人都怕豬肺腥臭氾濫，但師傅會巧妙地先以白鑊將豬肺爆得微焦再熬，以焦香蓋過腥味，再加入少量紅棗，喝來更加暖胃。

查詢：2961 3330