得閒圍脖

Alfred：

今個聖誕節，小記準備去睇《哈利波特》同宮崎駿新戲。其實本身都幾鍾意同魔法世界有關嘅故事，而且讀書時更經常買呢啲漫畫同小說嚟慢慢刨！至於宮崎駿嘅動畫就係小記至愛嘅卡通之一，自從可以跟同學仔出去睇戲後，第一套入戲院睇嘅就係《幽靈公主》！另外，NDS最近出咗隻《二之國》，有齊魔法同宮崎駿元素，小記超想買，但係今個月太窮了，唔知有冇人睇到呢段留言後，會送隻Game畀我呢？

Gilbert：

由細到大，我都認為堅持就會有好結果，一件事無論多麼困難，只要肯堅持，就會有收成的一天。但不知從何時開始，我忘記了這樣的想法，遇到困難時會選擇退縮、逃避，是害怕失敗，更是害怕會被一傷再傷。結果，這幾年來甚麼也做不成，直至遇到你，我知我不能再逃避，因為失去了，我會後悔一世。你說過你想到非洲看動物大遷徙，但願我這份堅持，能讓我成為吉保車上的另一個人。

Boris：

日本和歌山有個貓站長，估唔到原來台灣都有位榮譽貓站長，仲要離台北市唔太遠，坐火車唔使一個鐘就到，呢個地方就係侯硐。嗰度同和歌山有啲唔同，皆因榮譽貓站長「黑鼻」已經仙遊，但佢班老友同子孫仲成日喺條村裏面周圍走，而且個個都見慣大場面，一啲都唔怕人，係貓友必去嘅拍攝勝地。之後，仲可以順道去埋九份同基隆，唔經唔覺就玩足一Day喇！