森美幻想子珊做聖誕女郎
咪睇森美平時鬼鬼馬馬，又愛整蠱人，但講到聖誕願望，他卻一臉正經地答︰「近年世界太多天災人禍了，國與國之間嘅摩擦又愈來愈多，再咁搞法真係遲早會打仗； 所以老套啲都要講，就係希望世界和平，大家少啲爭拗，同時好好保護呢個地球。」世界關心完，咁個人願望又點先？森美就話每年工作離不開做主持及舞台劇，所以來年想作新嘗試，例如舉行棟篤笑或Talk Show等個人表演，讓觀眾認識他的另一面。
聖誕老人大家就見得多，樣子離不開紅衫白鬚、肥頭耷耳，對此森美就想搞搞新意思︰「聖誕老人咁多年一支公必定好寂寞，不如大家幫佢搵個聖誕女郎啦！樣子唔使好靚，最緊要性感，但性感得嚟又唔要暴露，否則會嚇親細路。好似徐子珊咁，簡簡單單着件紅色晚裝已經又性感又應節，聖誕女郎一於搵佢做啦！」
森美話子珊頗為性感，搵佢做聖誕女郎就至適合。
徐子珊
森美每年都會與好拍檔小儀演出舞台劇，但今年想多作個人發展，棟篤笑是計劃之一。