林慧美想Wyman‧劉醒做Mr.Santa
林慧美想Wyman‧劉醒做Mr.Santa
以為日本村姑林慧美心目中的Mr. Santa，唔係木村拓哉就係福山雅治，點知村姑的聖誕老人口味非常Local，佢認為本地潮界達人Wyman同醒哥黎耀祥係最佳聖誕老人人選，皆因前者夠潮，後者夠Man，若有兩位做聖誕老人，真係未過節先興奮！
日本村姑原來都係《義海》粉絲，提起聖誕老人第一時間諗起醒哥，原因都幾體貼：「醒哥喺套劇度都好吃力，係時候輕鬆吓啦！」情迷醒哥嘅佢，仲要為聖誕老人搵埋另一半：「如果鄧萃雯做埋聖誕老婆就Perfect啦！」
除了醒哥，村姑都想Wyman做聖誕老人，因為Wyman擁有做聖誕老人的天賦條件—肥，而且佢嘅聖誕老人形象一定與別不同：「我就係想睇Wyman點演繹傳統聖誕老人，一定潮爆！」唔理邊位係聖誕老人，村姑夢寐以求的聖誕禮物，終於同日本有關：「聖誕老人梗係要派禮物，佢最好上門親手送一張日本來回機票畀我，任何目的地都得！」果然係去日本1,000次都唔厭嘅日本村姑。
Wyman呢身Westwood裝束，其實已經好有聖誕……樹嘅味道！
貴為視帝嘅醒哥，扮聖誕老人點會難倒佢？