玩轉溫室 五感無限Fun
點解秋天會落葉？為何屋企盆栽唔食得？小朋友總愛問東問西，叫父母不知所措，有時紙上談兵又講極都不明，何不讓他們自己探索這個花花世界？嘉道理農場新開設溫室花園，滿布各式花卉綠葉，不設規限，任由小孩嗅嗅、摸摸，來個五官全接觸，盡情玩轉溫室！
並非只有主題公園才會擴建，嘉道理農場暨植物園也加入新成員─「植物與我」溫室花園，佔地240平方米，園內栽種多種植物，如薄荷葉、太陽花和桂花等。雖然公園年初已對外開放，但直至今季才設立導賞團，介紹溫室內的一草一物。一般公園都是「眼看手勿動」，這裏卻鼓勵小朋友用眼、耳、手、鼻、舌全面盡情感受大自然，從而訓練小孩子視、聽、觸、嗅、味五種感官認知，有助提升專注力、集中力、語言溝通和表達能力。正所謂：有得玩、有嘢學！
大量創意工作坊
此外，園方亦安排各式工作坊，如植物拓染、押花製作、動物全接觸、尋找荳芽夢工作坊、香草場教室等，讓小朋友發揮創意，進一步跟大自然發展「親密關係」。由於農場面積大，且活動設名額限制，建議大家出發前先鎖定行程，並在入場時登記參與活動，咁就萬無一失啦！
感官全接觸
小朋友平時鮮有機會跟大自然近距離接觸，今天導賞員哥哥帶着梓榮和心惠兩兄妹穿梭花園，教他們玩盡各式植物，園內植物分為五類，讓他們大開眼界！
同場手作坊：碌出小手帕
綠悠遊舉辦當日，會有不同形式的工作坊，採訪當日，只見有關工作人員提供一個雲石小圓球，再加花花草草，可以做啲咩？一齊Look Look！
細賞溫室植物
溫室內有各式花草任你摸，記得認住它們的名喇！
嘉道理開心綠悠遊
日期：2011年1月1及2日（星期六、日）
時間：9:30am-5:00pm（4:00pm後停止入場）
地址：大埔林錦公路嘉道理農場暨植物園
費用：$10（60歲以上、12歲以下免費）
查詢：2483 7200
網址：www.kfbg.org
我哋一齊參觀溫室呀！（設計對白）
嘉道理農場的「植物與我」溫室花園，最啱親子盡情感受大自然的奧妙。
觸覺
用手觸摸不同形狀的綠葉植物，例如一觸即閉的含羞草、葉厚而凹凸不平的鐵十字架海棠。
嗅覺
嘩！好香呀！
深呼吸一下，用鼻嗅嗅桂香花、香蜂草、到手香的清幽。
聽覺
用耳朵細聽潺潺流水與風吹綠葉，心曠神怡。
視覺
當然不少得以亮晶晶的眼睛，細意觀賞花卉啦！
揀選喜歡的植物圖案和顏色，平放在白色手帕的其中一邊，然後對摺。
好難啊……（設計對白）
用小圓球以陰力輕輕一碌，記得力度要平均，也不能太大力。
滾壓之後打開手帕，植物的汁液會拓印在手帕上，製成滾石拓染，唔會甩色o架！
農場內的豬舍有幾頭斑點豬，小朋友睇得興奮。
味覺
一副餓樣的哥哥梓榮問：「啲菜葉咁大塊可以食嗎？」導賞員說：「梗係得啦！叫媽咪買番屋企煮畀你食啦！」
太陽花
到手香
鐵十字海棠
洋紫蘇