Zelia:想有男仔畀Surprise我
Zelia:想有男仔畀Surprise我
不少人都愛趁聖誕出外旅遊或過白色聖誕，不過Zelia對香港情有獨鍾，更覺得香港是過聖誕的最佳地方。「我最想就是在香港過聖誕，因為大部分朋友都在這裏，一齊開Party夠熱鬧。同埋周圍都有好多好靚的聖誕樹同裝飾，成個氣氛同感覺都好好，完全唔需要特別去其他地方過。」
至於最難忘的聖誕，她說讀書時曾給老師一個大驚喜。「有一年聖誕，我同同學一齊買了好多聖誕裝飾布置班房，然後每人寫了有祝福說話的紙仔放在盒內送給老師。跟住我們全班同學躲在樓梯，老師一入班房時就全房冇人，結果佢好Surprise同好感動。」聖誕不可少的當然是禮物，Zelia就好好彩，多年來收到的禮物都非常不錯，至於今年最想收到的聖誕驚喜是甚麼呢？「我希望屋企人會從上海來香港探我，這就是最大的Surprise，不過如果有男士想畀一個Nice Surprise我，我都唔拘，哈哈！」
收到的禮物再多，Zelia最想還是屋企人從上海來港深望。
來自上海的Zelia覺得在香港過聖誕特別熱鬧好氣氛。
