你今日關注咗未?

Moe：

上周日同一位即將出嫁的姊妹在灣仔維景酒店新開設的Ladies Only專屬樓層歡度了她婚前的最後一個單身晚上。酒店特別以粉色作閨房主題色調，充滿少女味道，連廁所都用上Shocking Pink！最令姊妹們驚喜的是，酒店提供的是大家公認好用的泰國名牌Thann護膚品，於是齊齊敷Mask，重溫大學宿舍生活點滴！

Kiki：

得閒在家鑽研廚藝感覺的確爽！曾經試過整海鮮、海南雞飯，還有我最愛食的曲奇。由於極愛曲奇，所以要自製，之前已試整過一次提子曲奇和牛油曲奇，今次食過翻尋味要整多次！我領略到味道的好與壞，真的能夠睇出炮製者的心思，是否有Heart去整好食物！當然我的曲奇是受到多方面的熱烈稱讚啦！

Sanna：

不知近排是否太忙或是人愈大時間過得愈快，話咁快就到年尾。幾日前先至係Halloween，大家扮鬼扮馬又周街南瓜鬼怪布置，轉過頭星期一經過海港城已見佢開始布置緊聖誕裝飾，然後又收到Times Square × Michael Lau的聖誕跨科資料，還有各大品牌同商場的聖誕主題E-mail。雖然我本身好鍾意聖誕，但所有嘢一時間轉得咁快，好似好精神分裂，唔知點解有啲驚！