Leaf追濱順產
Leaf追濱順產
被日產寄予厚望嘅首款電動車Leaf，第一部完成品終於駛出日本嘅追濱廠房，距離今年年底正式推出嘅目標，又再拉近一大步。作為Leaf嘅首條生產線，據知追濱廠房嘅年產量已達5萬輛，除此之外，廠方將會引用追濱嘅生產經驗，應用到美國田納西州及英國新特蘭嘅生產線上，兩者分別於2012及2013年開始生產Leaf，年產量為15萬輛及5萬輛。至於首批出自「追濱產房」嘅Leaf，將於今年12月率先喺日本及美國同步開售，歐洲市場就喺明年初接棒，早前亦已有香港代表到日本試車，希望輸港日子唔會遠啦！
第一部量產型Leaf，已經走出「娘胎」，意味着大有機會順利喺12月正式推出。