植村秀×高野綾聖誕報睫
化妝品的必殺技，十居其九是借他人的人氣玩特別色系Crossover，同時玩埋別致包裝，贏噱頭兼搶風頭。植村秀每年的聖誕限量系列之所以大賣，全靠佢有鋪跨科癮，今年亦唔例外搵嚟日本藝術家村上隆徒弟高野綾搞甜到漏的粉紅Cute爆包裝，黃綠藍顏色Fancy到暈，必然是睇中80後的高消費力，呢條吸水方程式絕對無計錯！
各大化妝品牌每年的聖誕限量系列，千篇一律玩包裝玩色玩抵買，個個都係靚爆之作。不過植村秀之所以能夠突圍而出，絕對拜日本藝術家的彩爆、搶爆和靚爆跨科設計所賜。高野綾是國際藝術界紅人村上隆高徒，如斯身份已夠Noise；今次植村秀搵咗呢個後生女，在眼影、胭脂、唇彩和眼線筆的包裝上，加上有如魔法般的夢幻圖案—心心、星星等，穿插在聖誕鹿和女孩之間，令設計充滿幻想的歡樂與夢想的甜美，包裝顏色仲要係以Fancy的粉紅為主，我相信少女們一定一見鍾情。
DIY可愛假睫毛
單講包裝已經好煞食，但其實植村秀妝品出名多色而且偏Sharp，今次主打Pastel的粉紅、藍、綠、黃和橙等，唔好以為Pastel顏色好淡薄，其實不論眼影唇彩，色調都好出好貼服，上妝後的效果和肉眼睇到的顏色完全一樣，絕對唔怕有差異。講到Must Buy Item，我會揀彩妝睫毛，一來假睫毛是植村秀得意之作，二來今次還在睫毛末端飾以小小一片白色羽毛，還可以隨自己喜好貼上附送的星星、三角、心心等魔法符號貼紙，呢種DIY的賣點，少女好Buy，自問係少女的你，荷包應該有難。
粉彩眼影X雙色眼線
要塑造一個帶少許玩味，但不失可愛感覺的妝容，其實只要用色夠多且顏色可以互相配合便可。眼影範圍要夠廣，從雙眼皮、眼窩至眉骨位置也要覆蓋；玩多色的時候，要兼顧突出眼形，所以最好在眼頭三角處做光影，以及於下眼睫位畫雙眼線。眼妝顏色多，胭脂和唇色便要盡量低調自然，淡粉紅是理想之選，務求令眼妝更突出。
查詢：2265 7582
村上隆高徒高野綾
Step 1
在雙眼皮至眼窩位置掃上綠色眼影，然後緊貼邊緣位掃上藍色眼影；同時沾取黃、綠和藍色眼影塗在兩色接合處，將綠藍眼影融合一起。
Step 2
黐上彩妝睫毛，並隨自己喜好於睫毛末端貼上附送的貼紙作點綴。之後在下睫毛近眼尾位置，黐上魔法睫毛束。
Step 3
用粉紅色眼線筆貼在下睫毛根部畫條眼線，然後再用啡色眼影掃多一條下眼線。
Step 4
在顴骨笑位打圈掃上啫喱狀粉紅色胭脂，再以化妝掃柔和顏色，令效果自然。
Step 5
先塗上粉紅色啞底唇膏，再加層桃紅色唇彩，令唇妝自然立體。
上：Bowwow！Magic Queen魔法眼影胭脂彩妝盒$480
下：Reindeer Kiss XXXX魔法眼影胭脂彩妝盒$480
左：粉紅色魔法櫻桃胭脂$165
右：粉紅色魔法眼線筆$140
橙紅桃紅魔法唇美組合 $190
兩款眼影胭脂彩妝盒的包裝設計各有不同，一個Sell少女夢幻的感覺；另一個則加有聖誕鹿圖案增添節日氣氛。
魔法睫毛束$150
魔法化妝掃套裝$420
上：杏桃珊瑚色魔法唇美組合$190
下：紅紫色魔法唇美組合$190
左：深紫色魔法眼線筆$140
右：淺藍色魔法眼線筆$140
