HTC係一間位於台灣桃園嘅科技公司，中文全名係「宏達國際電子股份有限公司」，成立於1997年5月，係全球最大嘅智能手機代工商。早喺PDA年代，HTC已經係全球最大間嘅PDA代工商，後來自家開發PDA Phone，被英國電訊營運商O2睇中兼簽埋定單，改名XDA喺歐洲發售，獲得一致好評後，得到其他歐洲營運商垂青，由此涉足歐洲代工市場，當中最出名包括Hermes系列。近年HTC更率先採用TouchFLO觸控技術，以及利用Google Android平台，成為蘋果嘅最大競爭對手，更被戲稱為「iPhone Killer」。