掃平靚正貨品，幾時都話係女人強項，點解咁講？都唔好話我讚自己，我啱啱又八到代理咗多個國際品牌嘅Carsac Ltd舉行激安開倉，由家品至手袋、鞋履皆一應俱全，重點係低至三折！

講到今次開倉，就連家品選擇都多不勝數，如嚟自丹麥嘅品牌Bodum，其出品嘅咖啡用具屢獲國際大獎；產品設計創新兼可一物多用嘅英國餐廚品牌Joseph Joseph；以採用伸縮性潛水衣物料Neoprene製作而成名嘅美國品牌Built，佢哋嘅特色係以繽紛色彩演繹本來平平無奇嘅日用品，令流行元素大增。是次開倉，大人細路嘅產品均有優惠，絕對係為自己及家人、朋友搜羅筍貨嘅好去處，正！

三折之選 嚟自美國嘅French Bull兒童餐具套裝，啱晒囝囝用！原價$140、開倉價$42	Built 15吋手提電腦保護套原價$620、開倉價$186	手挽設計嘅保溫袋，可放置兩支奶樽，絕對係媽咪恩物。原價$125開倉價$38
彩色間條設計保護套，可放置多款電子產品，好用！原價$210開倉價$63	口水肩屬Built出品，備有多色選擇。原價$50/件開倉價$15/件	靚色家品 Bodum電動磨黑椒器，選用青綠色調，既Sharp醒又方便呢！原價$860、開倉價$430
Joseph Joseph砧板套裝，每塊砧板都有唔同用途，如切菜、切魚等，更見衞生。原價$650、開倉價$320	意大利Ruco Line出品嘅藍白色格仔圖案波鞋，I like it！原價$2,580、開倉價$1,032	美國PF Flyer鮮黃色便服鞋 原價$380/對、開倉價$150/對

開倉資料

日　　期：即日至10月20日

時　　間：星期一至六 　　　10:30am至8:00pm

　　　　　星期日及公眾假期 10:30am至5:00pm

地　　點：北角屈臣道海景大廈B座

付款方式：只接受現金

查　　詢：2968 1088

伊館同樂日

唔經唔覺，伊利沙伯體育館已經有30年歷史，聽日會有個合家歡同樂日，仲有連場演出添！包括世界青少年錦標賽冠軍表演嘅花式跳繩、魔術及百老匯歌舞等；仲有手工藝工作坊、攤位遊戲及乒乓球挑戰遊戲，超多節目，而且費用全免。呢個周末又有好去處啦！Yeah！

「伊利沙伯體育館三十周年同樂日」

日期︰10月9日

時間︰2:30pm至5:30pm

地點︰伊利沙伯體育館

費用︰免費（場內座位先到先得，額滿即止）

主辦︰康樂及文化事務署

查詢︰2591 1346

現場睇樂團演出

表妹係哈日族，極度迷戀《交響情人夢》，咁啱有隊樂團嚟香港開Show，下星期請埋我去睇喎！首度來港演出嘅日本nmp合奏團，各成員將會演奏多首日本作曲家的作品，包括日本音樂大師松尾祐孝兩首作品《牽引》及《牽引III》，佢本人仲會响演出前一晚舉行作曲家論壇，講解創作歷程。聽講仲有中港台流行音樂教父鮑比達創作小提琴及鋼琴合奏曲《進化》，到時佢會同日本小提琴家見康孝同台演出，內容好豐富！

「東瀛音樂新經典」

日期︰10月16日

時間：8:00pm

地點︰香港大會堂劇院

票價︰$150、$100

主辦︰香港作曲家聯會

查詢：2722 1630

酒店住宿優惠

有個北京朋友即將一家大細嚟旅行，為咗盡地主之誼，首先就要上網幫佢哋搵間靚酒店。麗都酒店、麗悅酒店最近推出優惠，12月11日前入住2晚或以上有八五折優惠，4晚或以上仲有七五折，幾抵喎！睇真啲，原來酒店仲有行政家庭套房，包2張雙人大床，足以供父母同2名兒童入住，仲送一個Kids Basket，內有牛奶、果汁、餅乾、朱古力等，滿足小朋友需要。如果小朋友貪玩，仲可以選擇酒店最受歡迎嘅兒童套房，內有各款電玩遊戲機、配備DVD播放器和卡通影片。真係好鬼細心！

查詢︰3552 1111

網址︰www.cosmopolitanhotel.com.hk