近排行過大小商場，都會見到啲Cutie俄羅斯娃娃造型產品，咁得意，一於大手掃貨先！

叫得做俄羅斯娃娃（Matryoshka Doll），就知係俄羅斯最具代表性嘅手工藝，傳統俄羅斯娃娃係全人手縫製或車製、上色，所以每個都係獨一無二。俄羅斯娃娃亦有許願娃娃之稱，據講只要將娃娃依大細排開，然後將願望話畀娃娃知，3日後再將娃娃收好；如果心想事成，就要將娃娃再一次擺放出嚟！俄羅斯娃娃產品响日本大熱，而呢股風潮終於吹到香港，產品除咗有最原始嘅套娃公仔外，仲有一系列精品、家品同文具，你話叫我點忍手啫！

滿分精品 印滿可愛娃娃圖案Tote Bag，So Cute！$249（c）	環保袋 $99（a）	笑樣同邪惡樣小袋子，後者夠搞鬼。$90/件（c）
設計精美嘅手挽袋，背面仲印上娃娃們背影，幾有心思喎！ $175（a）	繡上娃娃小毛巾，最啱幫叻仔抹汗。 $69/條（b）	電話繩 $99（b）
印滿唔同娃娃圖案嘅膠紙。$30（c）	電話套可以掛响手袋，勁方便。$119（a）	布製筆袋 $99（b）
Cutie銀包 $99（b）	可愛家品 娃娃纖維抹布，抹電腦芒最啱。 $69（a）	茶壺連水杯及茶葉隔，好靚呀！ $297/套（c）
放大圖片	雙層飯盒，最啱囝囝帶茶點返學。 $169（b）	娃娃造型沐浴液瓶，唔知會唔會香啲呢？ 未定價（a）

皮革手袋出籠

愈嚟愈近秋天，又係時候要入番啲秋冬用品。首先梗係諗吓啲手袋，阿妹Josephine話Che Che已經推出以皮革及絨布製嘅手袋，兩種物料絕對稱得上係秋冬必備。其中皮革手袋由專人手製，唔同袋款可迎合各種實際需要，以貓頭鷹手袋為例，可提供足夠空間放置化妝袋、銀包等雜物，特別欣賞其立體造型，更不忘品牌嘅Bling Bling元素，真係要幾型有幾型呀！

查詢：（a）2730 3323 （b）2723 3198 （c） 2728 0206