經常聽到人話買「燕梳」，究竟係乜東東？其實燕梳係Insurance嘅楷音，即係保險咁解。汽車保險主要分「全保」及「三保」兩種，後者嘅保障範圍，只限於意外中第三者嘅人身及其財物損失，投保人本身及其駕駛嘅車輛，則唔喺保險範圍內，部車有咩冬瓜豆腐，都要自己找數。根據香港法例規定，喺路面行駛嘅車輛必須有三保，否則屬違法行為，若然手頭鬆動嘅話，當然係買全保有多啲保障啦！