早前先喺動漫電玩節搞過試玩，估唔到Microsoft咁快就正式公布Kinect會在11月18日喺香港推出，售價為$1,169，都算幾吸引。除此之外，當然唔少得更多對應Kinect嘅新遊戲，包括《Kinect Sports》、《Dance Central》同首次在港公開的《Kinect Adventures!》和《Kinect Joy Ride》，幾位在場試玩嘅o靚模都一致推介《Kinect Sports》足球遊戲，貪佢好玩得嚟又唔使搞到身水身汗！

呢套由微軟開發的全體感Kinect系統，矚目賣點係唔使手掣都玩到，單靠安裝在電視上的3D感測器，就可以準確感應到玩家嘅一舉一動，設計相當創新同破格，配合埋幾款同步發售嘅感體新Game，相信都有一定吸引力。

控球後角色前面會有3個箭嘴，可選擇傳球路線，射波時更可以隨心所欲狂抽。

仍未公開的小遊戲還有標槍、跳遠、100米賽跑，都要靠原地跑來加速，好花體力。

《Kinect Sports》踢波最好玩

在動漫節時已經有得試玩嘅《Kinect Sports》，今次就公開更多內容，當中的足球遊戲就連o靚模Debby同Kinki都大讚好玩。呢個足球遊戲雖然唔能夠走位，但就做到傳波同攔截傳球動作，射波時仲可以「落西」，不過實試時傳波同射波都要大腳抽先感應得到！

障礙賽要擒高踎低，一唔小心仲會撼親頭。	雙人激流橡皮艇好考兩人的合拍度，否則會執少好多金幣。	無重狀態下拎金幣，體力消耗較少，都算幾有趣。

至於其他未公開嘅新迷你遊戲分別有100米賽跑、標槍、跳遠等等，都係要不斷在原地跑原地跳，玩完一、兩個項目後真係攰到要坐低抖抖。

凌空時做出唔同花式攞分，相當有趣。

可以雙人比賽，做出強力甩尾動作同樣有得加分。

推出日期：11月18日/售價：$259

好似Christie一味向前衝同做多啲特技動作，一樣拎到高分。	o靚妹跟「香蕉」Vanko都有落場親身試玩《Kinect Adventures!》，表現落力，但o靚妹每次遇到遊戲內有影相提示後，就即擺Chok樣影靚相！	發布會以「夏水禮」為名，所以在泳池舉行，仲請來唔少水着o靚模。

《Kinect Adventures!》Chok樣影靚相

買Kinect時都會送嘅《Kinect Adventures!》，集多個激烈運動於一身，全部一玩就上手。現場就試玩咗隻激流橡皮艇，要二人合作控制橡皮艇移動到適合位置執金幣，途中更有不少影相位，Kinect系統仲會自動「偷拍」大家玩遊戲時的肉緊樣。

推出日期：11月18日（隨Kinect附送）

《Kinect Joy Ride》凌空做特技

《Kinect Joy Ride》賽車遊戲同樣未曾在香港曝光，最大特色係單靠兩隻手扮揸住軚盤操控跑車。雖然做唔到轉波、踩Brake等動作，但如將雙手縮在胸前儲力然後推出，就可以做到氮氣加速等效果，而且仲可以使用武器攻擊其他對手，玩家只要利用衝上跳台後的凌空時間，做出唔同嘅特技動作就可以加分，十分搞鬼。

推出日期：11月18日，售價：$259

查詢：3071 4868