Sanna：

好耐冇行過銅鑼灣，前幾日去開百德新街那邊影相，竟發現只限日本出售的Burberry Black & Blue Label，竟然在Fashion Walk開了一間大型專門店！原來這間舖開了近兩個月，是日本以外第一間Black & Blue Label專門店，不過有關方面就「低調」處理，亦未有搞大型活動宣傳。咁又係，Blue Label一向深受本地OL女生歡迎，即使不做宣傳，相信亦有大班本地及內地捧場客。

Tiffany：

最鍾意一些款式得意過癮的小飾物，最近轉季大減價，當然是入貨的最好時機。ne-net的飾物一向設計特別，甚具玩味，今次我就找到布偶手鏈及頸鏈，手拖手圍着手腕十分抵死，而且全部減至4折，即是百多二百元已有交易，在完全沒有考慮之下即時付錢。

Kiki：

有朋友之前約我齊齊Art Jamming，但因有事不能參與，令我心癢癢。幸好早前嬌蘭記者會搞了個Art Jamming，正好趁機彌補上次的失落。我原本毫無頭緒畫些甚麼，但不消五秒已想起我最愛的鴨仔，所以毫不猶豫地拿起畫筆畫畫畫；由於畫布會用來製作手挽袋，需要畫兩幅圖案，於是我畫了一張鴨媽媽帶住鴨仔游水，而另一張就是牠們站着看日落的情景，效果不俗，下次一定要帶埋姪女姪仔齊齊Art Jamming玩樂一番！