有玩過Fruit Ninja嘅朋友，一定讚玩法輕鬆、節奏明快。如果你鍾情呢類遊戲嘅話，可以玩下同一間開發商推出嘅Monster Dash。Monster Dash主角Barry身處喺一個充滿怪物嘅世界，任務係要邊跑、邊跳、邊射怪物。

隨機換武器

遊戲只有兩個掣，一個跳、一個射槍，操作簡單。主角不斷跑，出現的怪物會隨場景轉變，包括木乃伊、殭屍等等，喪跑途中會遇上不少障礙物，要跳起閃避，而且遊戲速度會愈玩愈快，跳、射嘅時間就更難掌握。雖然主角一開始拿住的武器只係一支小火槍，打爆畫面中的木箱後，就有機會換到新武器。小記就最鍾意用MACHINEGUN JETPACK，貪佢可以同一時間向多個方向發射子彈，方便一次過消滅多隻怪物！