貓科：
雖然現時不少人已習慣利用電腦追睇電視節目，但小記始終鍾情使用機頂盒錄影，一來擁有高清畫質，二來在大電視上又睇得舒服，但每次都要飛廣告的確麻煩，不過三菱將於11月1日在日本推出最新的BD錄影機DVR-BZ340，就引進「自動剪輯」功能，播放錄影電視節目時，能選擇齋睇廣告或齋睇電視節目，勁慳時間，同時更能將內容翻錄到BD或DVD碟上珍藏，售價約12萬日圓（約$9,600港元），唔知會唔會引入香港呢？
cHLoe：
雖然小記在傳統家庭長大，但個人並不太迷信，上星期因為要與朋友一起製作藝術品，於是便將四個印有「萬壽無疆」、寓意健康長壽的瓷碗放在地上打碎，方便稍後用來堆砌出所需的圖案，正當小記開始從地上拾起碎片時，分別有兩位家庭主婦經過，她們見到後均異口同聲提醒我時值農曆七月，不要隨街撿拾地上的東西，小記心裏當然感謝她們的善意，並趕快動手收拾「殘局」，馬上整理碎片排列到預先展覽的場地，大家又知道小記在砌甚麼嗎？
Vincent：
相信好多人和筆者一樣都不太睇好iPad的銷情，以為Apple可能黔驢技窮，只是求其出部加大碼iPod Touch敷衍粉絲。豈料，iPad推出後雖然不及iPhone 4咁熱賣，但一樣大把人爭住訂購，單單係小記工作嘅部門就已經有4位iPad機主，而且個個玩完都讚芒靚反應快。最重要係喺咁短時間內，App Store已提供了大量iPad專用的HD版Apps，喺9吋Sharp爆嘅屏幕上玩實在是一種享受，難怪一出就打低晒其他Tablet產品！
