講起海南雞飯，已成東南亞多國飲食界一場戰爭。星洲出產的海南雞飯，以口味正宗打正旗號；泰國則以平價取勝，馬來西亞的海南雞飯又如何？就要到沙巴的海南雞飯名店亞月海南雞飯試試了。連食神Michael都話，在亞月歎碟海南雞飯，已成為他每次遊沙巴的指定動作，更閒閒哋掃兩三碟。亞月每日賣過百碟雞飯，只採用粟米餵飼、體重約兩公斤的走地馬拉雞，雞塊幾乎零肥膏外，雞味濃郁又有嚼勁，與一般無味雪藏雞大不同。

Michael除了認為走地馬拉雞夠鮮，連雞胸都好食過人；亞月採用的豉油麻油同香港有別，更帶出馬拉走地雞的獨有鮮味。

亞月的海南雞飯，連掃三碟都係約港幣40蚊！

亞月海南雞飯日賣過百碟，無怪乎阿姐斬雞無停手。

亞月海南雞飯

地址：Ground Floor, Lot 8, Block A, Taman Che Mei Jalan Penampang，Kota Kinabalu, Sabah

電話：（60）08 822 2831