24/07/2010

播放本新聞相關短片

你今日關注咗未?

Tiffany:

《飄零燕》是我最喜歡的卡通片,細個時日日朝早9點起身,就係為咗睇海迪與爺爺在阿爾卑斯山生活的故事。早前到日本,未有時間參觀山梨縣的海迪村,但卻在下北澤找到了不一樣的海迪!世風日下,連純真的海迪也擺出一副邪惡的嘴臉,非常過癮!我立即買了一個掛在袋上,引得身邊的朋友哈哈大笑,連路過的日本人也忍不住多看兩眼,有時便宜的公仔比起印着大大個牌子的手袋更引人注目。

Sanna:

今季全城潮人熱捧Celine Cabas皮袋,好多人都係用長方形Tote Bag袋款,不過我對背心袋款的三色Cabas卻情有獨鍾,之前路經中環Celine時見到都有試孭過,確係非常有型,不過就沒有一時衝動買下。點知之前去Celine借衫時,啲Sales話背心袋款今季唔再出,實在太失望啦!希望品牌遲啲會再出番啦!

Elaine:

日本各大品牌逢1月、7月都會進行清貨大減價,有個朋友剛從東京Shopping回來,買了很多服飾,她說抵買程度有如進入I.T,發現全部貨品不逾$200,搞到我都心郁郁想飛過去掃貨。再看清楚我的朋友,頭上戴了大大個蝴蝶頭箍,由平日Cool爆造型變到好Kawaii呀!她說日本現時很流行,更送了一個米色小花頭箍給我,我覺得最適合束髮髻時戴,好有o架妹Feel呢!謝謝!