貓科：

新鮮熱辣買了《新世紀福音戰士》新劇場版《破》的Blu-ray碟，售價$238大元，可能有人覺得貴，但我睇完卻覺得絕對物有所值，全片總共出現了4隻使徒，動作場面比上一套劇場版《序》密集得多，而且引進了大量CG技術，不單動作流麗，畫面亦見細緻，單是開場不久EVA 5號機單挑使徒一幕就令人目不暇給。可惜矚目的新女角真希波戲份不多，但外形討好，性格突出，相信會搶走不少凌波麗及明日香的Fans。

marcovaldo：

出差洛杉磯是個「噩夢」，每晚瞓得兩、三個鐘，唯一可以平衡自己心理的就只有Shopping。Rodeo Drive太高檔，Santa Monica 3rd Street又太遠，都係The Grove啱心水。最後一日晏晝到Barnes & Nobles買書兼買特別版Moleskine，再等埋朋友K入A&F同GAP大手掃貨兼食飯吹水，即時開心晒；但如果有埋AA（American Apparel）就Perfect啦！

Gilbert：

思前想後大半年，終於買了平生第一部Mac機︰MacBook Pro，成為Mac友的一分子。點解買？難忍PC成日藍畫面兼中毒只係藉口，實則無非貪有型，用嚟執相剪片，唔知點解感覺特別潮啲！玩咗一晚暫時覺得冇買錯，操作穩定兼直接，係衰在所有Shortcut Keys都要重新學過。不過咁都好，起碼令我重燃學電腦嘅興趣，嚟緊又要晚晚匿係屋企研究，想唔變宅男都唔得啦！