尋寶一向係我強項，之前喺土瓜灣工廠區大熱嘅新派夜冷店，原來搬咗新舖啦！

响土瓜灣大放異彩嘅「摩登夜冷」近日搬咗去旺角樓上舖，地方闊落咗，仲多咗好多新貨，兩位主腦Sev同Jo都係超愛旅行、Shopping嘅大女仔，二人對獨特飾品都情有獨鍾，買買埋埋可惜屋企位置有限，有好多「新簇簇」、用都未用過但又唔捨得掉，於是決定開夜冷店公諸同好。正所謂物以類聚，購物狂二人組身邊亦有唔少周圍飛嘅朋友，所以店內不時都有從英國、美國、台灣等地搜購番嚟嘅新貨，Primark、Marc Jacobs、Jill Stuart等應有盡有，而且更設有專架放置朋友嘅小手作，支持本地創作。提提大家，店子只收現金，加上兩大店主各有正職，所以平日要7:30pm先開舖（星期六、日及公眾假期就1:00pm開舖），大家上去前最好先上facebook睇清楚呀！

Primark鱷魚皮Clutch Bag，分別有黑、灰二色。$180	Jill Stuart杏色手挽袋，心形手挽大方又可愛。$360	Marc Jacobs銀色心心Clutch Bag，超有型！$380
杏色花花小袋，最適合放Lap Top。$85	懷舊七彩手袋，係店主從網站asos.com訂番嚟嘅筍貨。$240	白色硬面銀包，一返貨就冇貨，入荷要快。$78
放大圖片	藍精靈上鏈錶，坊間難尋。$148	可愛又有民族Feel嘅Tote Bag，出自手作品牌catsevtique，係店主Sev嘅作品。$78
手作iPhone Case $48/件	耳環款式琳琅滿目，手作、搜購款都有，試過一日賣20對！$25至$58/對	店子好有屋企Feel，亦係店主跟朋友經常一齊Hea嘅好地方。

查詢：3597 4343

買乳酪抽殭屍仔

尋日一早接到表妹電話，叫我快啲買乳酪幫佢抽獎！發生咩事呀？送咗囝囝返學後，即刻走去便利店睇吓，原來即日至6月29日，於7-11便利店買1支Acti-V 輕盈酪乳酪（支裝/杯裝）及1盒雀巢牛奶公司鮮奶類飲品，將收據號碼連同姓名、身份證頭4個數字及購買日期sms至6790 3399，即可參加抽獎，有機會贏得電影《吸血新世紀3 月蝕傳奇》獎品，以及電影換票證2張，名額200名。哦，原來又係為咗隻殭屍仔，我就鍾意人狼仔多啲囉，真係有代溝！

網址：www.MyNestle.com.hk