本文重點
師傅仔：
矽膠好掂！唔止入得廚房，仲可以做埋文具。近日在G.O.D.發現呢塊貌似Memo Pad的矽膠留言板，寫完只需用擦膠擦走就得，就算係油性箱頭筆都擦得甩，以後傳紙仔、留言，唔使再用紙咁唔環保啦！
CMM︰
一連4日的「迷失台北之旅」，亂行亂撞，竟然發現永康街嗰間好出名但早前因為家庭糾紛而執笠嘅杧果冰店「冰館」喺原位重開，仲改名為「永康15」，改為「立食」模式，人流量更強勁，排咗好耐隊先買到嚟食，好彩賣相同味道冇變，自製嘅杧果雪糕仲係勁香勁好味，第一日開張就畀我食到，真係有Luck！
Iron Winnie：
端午節，農夫兩子首次於紅館開騷，作為入門級粉絲的小記，Yo住Yeah住跳住Rap足全場，看着他們能做自己想做的事，收到許多正能量。反觀「余曾大辯」，特首連自己想說的話都說不出，一味靠貓紙，只能慨嘆一聲，再說一句「理想正常小孩高度」……（不明白的不要問我，因為唔出得街）
