Tiffany

睇《Sex And The City 2》，最吸引我的不是靚衫，而是一向作風大膽的Samantha，今次狂食賀爾蒙丸，還向好姊妹拋出一句「你們50歲時，我還是35歲」，又一次提醒我，要靚，係要悉心經營的，唔好好保養，25歲都畀人叫做中女。

Sanna

記得上年差唔多時間被邀請出席台北Sport b. Plugged音樂會，當時仲同未紅嘅「萬寧哥哥」Zo影咗輯Fashion Styling。話咁快一年，阿Zo已經變咗大紅人，前幾日路經Sport b.，見到佢哋宣傳緊今年即將舉行嘅台北音樂會，除推出限量Tee外，買滿$1,000或以上仲可以參加抽獎飛去台北睇騷，今次個騷有唱Live超正嘅盧廣仲呀！！ 正！

Kiki

自中學時代已愛睇電影，種類多樣化，唯獨對血腥核突的片種甚為抗拒。最近破例地入場睇套核突血腥的荷里活電影《Daybreakers》，全因有我最愛的Ethan Hawke。電影當中不乏大量血腥畫面，包括爆頭、殭屍見光即溶的核突場面，搞到我周不時要用手掩眼。雖然Ethan已非當年《Before Sunrise》的後生型仔樣，額頭電車軌橫生，面容滄桑，但卻甚有佬味，也正正解釋到原來真正的愛係盲目嘅！