高達衝上雲霄

今年係高達模型（GUNPLA）30周年，預咗有唔少整色整水嘅特別版推出，不過呢次真係估佢唔到，唔係單純換透明或者電鍍色，而係同ANA航空搞Crossover！7月起就有多班ANA嘅航機，機身貼上高達嘅大拉花外，同期仲會推出特別版嘅1/144及1/48 ANA高達模型，淺灰襯電鍍藍，可能你自己都噴得到，但係模型表面嘅ANA水貼，睇怕幾難DIY。據知呢款特別版模型只會喺指定航班上有售，無機會搭就唯有等天價水貨喇！