近期氣溫已經逐步攀升，加上成日落雨，又係車廂變做「毒氣室」嘅高危期，成陣臭味唔只唔衞生，想靚女上你架車都難！坊間有唔少標榜易用嘅車廂除臭工具，輕輕鬆鬆就幫你解決問題，唔使次次幫襯汽車美容店咁重皮。

噴霧式去臭劑$58

除咗地氈、座椅及裝飾板，冷氣出風口亦係積藏臭味嘅熱門位置，不過用咗呢支噴霧劑直接噴入風口，就可解決出風口嘅臭味問題。

罐裝消臭彈 $85

呢款除臭用品無味無色，首先拉開罐面，再放喺座椅底，就可辟除車廂異味；就算依家只有輕微異味傳出，也可徹底消滅。

強力消臭劑 $65

如果車廂臭味去到「濃烈」程度，就要用呢款強力消臭劑，而且大容量嘅車廂都用到，例如小巴或客貨車，將佢放喺座椅下面，就可解決問題。

去煙味消臭劑 $65

呢款大型去臭劑針對煙味或地氈發出嘅臭味，範圍極廣，而且無色無味，最啱成日喺車廂食煙嘅車主使用。

備長炭去臭包 $38

至啱對付因潮濕而引致嘅臭味，可以同時做到消臭及去濕效果，只要將備長炭從膠袋攞出，再放喺座椅下面就搞掂，而且有效時間相當長呢！

去臭裝飾座 $35

嫌以上嘅除臭用品唔靚仔嘅話，呢款有型嘅消臭去菌備長炭裝飾座就Fit晒，樽蓋成個合金輪圈咁款，至襯跑車，最緊要係除臭效果都令人滿意。

查詢：2392 4244（台日汽車精品）