話咁快，今個星期五就有波睇，點先叫瞓身支持呢？

依家行街四圍都見到世界盃宣傳活動同產品，真係超級好氣氛！我老公係忠實球迷，一早買好波衫同大量零食，撐佢心愛嘅球隊，不過買嘢又點可以大細超？老公話要從細開始培養囝囝睇波，所以已經買咗幾套兒童球衣同鞋仔。原來adidas同Crocs都特別推出咗兒童及幼兒球衣同涼鞋，好似adidas就有德國、法國、阿根廷同西班牙4個國家嘅主場同作客童裝，仲有今屆吉祥物Zakumi嘅運動套裝；而Crocs嘅Crocband Nation系列就更加備有14個參賽國家嘅限量版涼鞋仔，圖案簡單鮮明，仲夠晒Colourful添，囝囝Full Gear上身，想點撐就點撐！

Zakumi Polo Kit Jersey，球衣胸口左方同褲仔背面都會見到Zakumi出現，同款仲有黑色添！ 球衣 $159、長褲 $199（a） 巴西限量版兒童涼鞋 $268（b）	放大圖片	德國國家隊球迷版波衫，貫徹傳統「機械兵團」嘅黑白色簡約設計，小朋友着起夠晒Cool！ （由左至右）主場幼兒套裝 $339\套、童裝球衣 $339（a）

點解日本人興雪白米？

有日去朋友Angie屋企，打開雪櫃諗住攞嘢飲，點知發現有好大箱白米喎！Angie話：「最近上網睇綠田園電子通訊，佢哋介紹日本人習慣將白米放入雪櫃，原來白米於接觸空氣後會逐漸衰變，包括米粒總糖量下降（所以一般新米比舊米甘甜）、色澤變黃、失去光澤，仲有機會出黴菌、生榖牛等，所以將白米雪响雪櫃，即係將佢哋保存响特定溫度，咁就可以擺耐啲！你知啦，我哋偶然先煮一次飯，但次次廿幾蚊買包米就擺到生晒榖牛，咁咪好唔抵！」

查詢： （a）2730 0157

（b）2895 1878

健康糉應節

端午節就快到，梗係要一家人食糉應吓節啦！不過傳統糉會以肥豬肉做餡料，真係唔太健康，但自己包又好麻煩。好在同學仔媽咪Joey報料，鴻福堂出咗「自家健康糉」系列，分別有原粒瑤柱豚肉有機糉同柑桔豆蓉梘水有機糉兩款口味，好味得嚟又無咁Heavy，最啱買畀長輩食。

豆丁都要支持國際足球盛事o架！

天生精打細算，以照顧好一家大小健康為己任。

叻太起底

年齡：30以上40未滿

職業：全職家庭主婦

家庭狀況：家有老公及4歲囝囝