最近囝囝畀蚊針到成身一撻撻，陰公！細路仔特別惹蚊，偏偏佢皮膚敏感唔用得蚊怕水，有乜解救？
幾時都話師奶智慧冇得頂，隔籬屋陳師奶介紹我用驅蚊器同滅蚊燈，即刻搞掂晒！查實我都好怕蚊怕水一陣味，而且搞到成身立黐黐，如果到郊外行山都尚可接受，响屋企就唔多想用啦！要保護囝囝免受蚊子騷擾，又唔想佢接觸咁多化學品，陳師奶推介我用驅蚊器，利用超聲波趕走蚊蟲，再加埋支滅蚊燈，咁就萬無一失啦！
此外，夏日特別多害蟲出沒，嚇親人之餘仲會傳播細菌，真係不得不防，所以我都買埋啲驅蟲儀器看門口。當然，屋企保持清潔，多清理積水，自然少蚊蟲侵襲啦！
Moel滅蚊器
利用UVA燈吸引蚊蟲，UVA光管壽命長達5,000小時；另設旅行裝，方便攜帶。$598（a）
驅蚊手錶
採用微電子技術，透過高頻超聲波趕走蚊蟲，設有靜音、中度和加強模式，其中加強模式嘅保護範圍可達5米，郊外行山最啱用。$79（b）
環保式滅蚊燈
獨有嘅集蟲循環系統，把蚊蟲導引入集蟲盒內消滅；內置過濾網，能夠吸取並過濾空氣中大部分塵垢。$298（a）
驅蟲大王（脈沖版）
對曱甴、蜘蛛、螞蟻等齧齒類害蟲和動物而言，足部係敏感器官，一旦感到地面傳嚟異動就會「雞咁腳」逃走，此產品採用脈沖波嚇走害蟲，仲設有休眠模式，省電同時令你安枕無憂。$279（b）
「金剛2000」驅蟲器
利用電磁場干擾及超聲波嘅雙重科技，「嚇走」蟑螂、老鼠等齧齒類害蟲和動物，6至8個星期後更能把害蟲徹底趕走。$498（a）
防蚊小知識
1.濕疹不宜用蚊怕水
蚊怕水其實係化學物品，家庭醫生朱蘊晶話部分蠶豆症患者因此不宜使用；另外患有濕疹亦不可，因為濕疹會令皮膚表面有破口，若化學品滲入而刺激皮膚，會令濕疹惡化。
2.天然香薰驅蚊
DK Aromatherapy香薰治療顧問Kat話，有幾種香薰油具有驅蚊功效，最強力嘅係香茅，而天竹葵、薰衣草同檸檬草都有驅蚊或止痕作用。Kat仲教我，滴幾滴香茅香薰油响絲帶上，然後掛响窗口，啲蚊聞到陣香茅味就唔會飛入屋啦！
查詢：（a）2662 8888（b）2838 3383
叻太起底
年齡：30以上40未滿
職業：全職家庭主婦
家庭狀況：家有老公及4歲囝囝