以為開心冇得計？原來可以值過億！近日有報道指，內地掀起冬天食雪糕熱潮，一年銷售額竟高達360億元，非常驚人；而這種甜品亦是熱門的Comfort Food，尤其在經濟低迷時，不少人藉食雪糕忘憂、減壓，功效好比心靈雞湯，令開心指數飆升。你嘅Comfort Food又係咩？可會是以下其中一樣？

究竟何謂Comfort Food？據尚營坊健康顧問高級營養師黃凱詩（Cynthia）表示，這可以從兩個角度分析，第一是純粹對某種食物產生開心的感覺，或許是跟個人經歷有關，屬一種心理反應。第二是食物蘊含如維他命B6、色胺酸及Omega 3等營養素，幫助大腦產生血清素，自然會產生開心感覺。

蔣怡 藝人「我嘅Comfort Food係小籠包。細個但凡喜慶場合，都會食小籠包，當唔開心時，爸媽就會話食小籠包啦，食咗會開心番。」	Benson 文員「一食朱古力就開心，尤其酒心餡的；食Gelato都得，會揀開心果、夏威夷果仁及冧酒提子口味。」	Kim 侍應「零食，好似魷魚絲、豬肉乾咁，多數鍾意鹹味食物；朱古力、蛋糕都好，每次食完都有發洩的感覺。」

釋放開心感覺

一般而言，當情緒低落、感到壓力或失眠時，便會想食Comfort Food，不少人會選擇朱古力、糖果及雪糕等甜食，但Cynthia指鹹食也可以是Comfort Food，只視乎個人選擇；她個人心水便是Latte。她補充說，甜食會有較高卡路里，進食時要適可而止，免得紓緩情緒後要努力減磅。

營養師黃凱詩怕太甜，以香蕉、牛奶及麥片作Comfort Food，食完一樣開心。

放大圖片

心水食物 估你唔到

飲食口味向來很個人，雖說甜食普遍令人心情好，但其他食物一樣可以有相同「療效」。經一輪追訪後，小記發現賽果仍以大路食物為主，但亦有些人的選擇比較另類，像蔣怡的Comfort Food竟是冷門的小籠包。

穩定情緒元素

血清素（Serotonin）是一種神經傳導物質，主要在腦內和腸胃中運作，能令人心境平和、寬容，假若血清素含量低，便會令人情緒不穩。Cynthia指蘊含維他命B6、色胺酸及Omega 3等營養素的食物，像香蕉、火雞肉、麥片、全麥包及三文魚等，均有助製造血清素。