囝囝係時候學吓儲錢啦!點解老公仲雀躍過我哋嘅?
老公鬼鬼馬馬,暗中買咗兩個錢箱畀囝囝,唔怪得一話教囝囝儲錢就咁積極啦!咁又難怪嘅,JC Shop呢兩款「鬼祟」儲錢箱又真係幾鬼馬。首先介紹匿埋喺紙皮箱嘅小偷狗,唔聲唔聲伸隻狗手出嚟偷錢;另一個「搖頭狗」嘅飯兜原來有暗格,扮食嘢然後乘機食埋啲錢,認真抵死!唔止囝囝玩得開心,我哋兩公婆都玩埋一份,係咁畀錢佢「食」呀!
Q版小偷狗
食錢狗
新世紀自動櫃員機
老公仲買咗個新世紀福音戰士嘅自動櫃員機畀自己,佢得意在除咗入輔幣,仲可以入紙幣,兼有時間同響鬧功能;本來部機仲可以透過顯示屏睇到儲咗幾多錢,可惜只能夠感應日圓,而最貼心係可以設密碼呀!
查詢:3102 2783
着數購物優惠
扮靚幾時都係女人嘅首要任務,最新勁料係由即日至3月7日於Jurlique概念店購物滿$1,500,即獲贈衡肌泡沫潔面液30ml(價值$110)一支及亮肌深層補濕套裝,包括日間水分亮肌面霜15ml及水分亮肌面膜15ml各一支。如果購物滿$2,400,更額外獲贈全效補濕修護套裝,非會員可即時成為VIP及獲贈天然香薰紓緩面部護理一次(價值$750),呢啲唔係抵係咩?!
查詢:2420 3000
叻太起底
年齡:30以上40未滿
職業:全職家庭主婦
家庭狀況:家有老公及4歲囝囝