Happy New Year！要提神，咖啡、奶茶飲多無益，新一年當然要有一個健康新開始，以下介紹兩款醒神果汁，營養豐富，補充體力又醒神呢！正所謂健康無價，我叻太响2010年就送呢兩樣無價寶畀大家啦！

由聖誕開始玩到除夕，今日起身真係攰到難以形容，飲咩可以提吓神？

醒腦蔬果特飲

材料：

西柚或橙或奇異果（任擇）40g

牛油果40g

菠菜60g

做法︰

所有材料放進攪拌機即可。

有咩好？

呢款蔬果汁含維他命B1，可增強新陳代謝率、消除疲勞及提升注意力，亦有紓緩神經系統嘅作用，對消除肌肉酸痛好有幫助；而西柚、橙同奇異果都含有豐富維他命C，除可增強免疫能力，亦有刺激分泌腎上腺素嘅功用，間接減低情緒不安及疲勞感覺。蔬果汁仲含有維他命E，能將營養素有效地傳送到腦部，令腦細胞活躍，真正做到「醒腦」嘅效果。

美顏青果暖飲

材料：

青瓜 40g

青蘋果 40g

熱水 100ml

紅蘿蔔 隨意

做法︰

將所有材料放進攪拌機即可。

有咩好？

玩通宵之後，最怕個樣又殘又腫，嚇親老公，呢款果汁可謂女士恩物，我個Friend註冊營養師何智衡話，呢款暖飲含有葉綠素和維他命，令皮膚有光澤，仲有美白補濕功效，加上維他命C可以協助製造副腎上腺皮質素，對抗精神壓力非常有用；而且含鉀量高，有助身體排出多餘既鹽分，令血壓穩定，有助促進血液循環同埋減輕身體浮腫，多飲有益健康呀！

收到好姊妹SMS，原來今年係先施成立110周年紀念，全線超值大特賣！

由即日至1月18日，全線先施都有大特價，包括31件指定日子「超級精選筍貨」同埋112件精選貨品。我仲八到超級精選筍貨包括Casablanca 澳洲純羊毛厚被智慧套裝，原價$1,298至$1,698，特價$1,100，仲送壓縮氣枕一對！日本象印4.9公升/22厘米不銹鋼五層雙耳煲連保溫座，原價$1,488，特價$1,100（每店限售15個），仲有好多好多……真係平到笑呀！

查詢︰2830 1016

潮着華Dee波鞋

自問同叻太差唔多年紀嘅，相信都唔會忘記曾經畀劉華着紅嘅K-Swiss波鞋，近排佢哋有新搞作，出咗款誇誇哋嘅金銀閃爍系列，亦有潮到爆嘅窩釘系列，甚至別致嘅格仔、色帶系列等，新貨啱啱返，帶埋老公去睇吓，唔知佢會唔會入番對，緬懷吓《天若有情》華Dee呢！

查詢︰2506 2923

優惠買BlackBerry

新一年想換新手機，但係下下換新機都幾襟計，好彩由即日至1月18日，喺網上成功申請指定Citibank信用卡，就可以即時享有$300折扣買全新BlackBerry Bold 9700，仲自動參加抽獎，有機會贏一部全新嘅BlackBerry Bold 9700。如果成功申請白金卡，仲送$200惠康現金券添呀，快啲叫齊班太太Friend一齊上網申請先！

查詢：2860 0333

細路界盛事：喜羊羊殺入大銀幕

紅爆細路界嘅《喜羊羊與灰太狼》，响2月13日上映賀歲電影《喜羊羊與灰太狼之虎膽羊威》中登場。故事講述虎威太歲和壁虎軍師來襲，不但將喜羊羊個草原改建成機動遊樂場，仲將灰太狼和紅太狼嘅狼堡變成公廁！面對敵人嘅機械兵團，羊族與狼族都慘被俘虜；為咗保衞家園，喜羊羊與灰太狼誓要搵到傳說中嘅祖先神像，以遠古力量聯手擊退壞蛋！聽落劇情拍得住《阿凡達》，真係唔睇冇話題呀！

叻太起底

年齡：30以上40未滿

職業：全職家庭主婦

家庭狀況：家有老公及4歲囝囝