TW4500 細節現形

本文重點

超解像優化線條分明
動態補償提升流暢度
超高對比度層次豐富
試片區
同場加映
機檔案

上一代Epson家用投影機TW4000已經贏盡同級對手，但新機TW4500嘅實戰觀感更上一層樓。用上近期熱賣《變形金剛：狂派再起》Blu-ray碟一試，暗位細節出晒嚟，影像十分銳利，播放流暢，視覺效果現場一樣。

新機TW4500最矚目之處係來自業界首用嘅「超解像」技術，可以對非高清訊源進行影像優化處理，升頻至全高清級數，配合動態補償技術，安坐家中都能得到影院級享受。

內置耐用E-TORL燈泡，提供1,600流明亮度，一般室內環境應付自如。

設有垂直及水平鏡頭移動功能。

機背提供兩組HDMI Ver. 1.3a輸入，方便接駁不同高清訊源。

採用一支2.1倍變焦的鏡頭，可在三米距離投放出一百吋畫面。

超解像優化線條分明

如單是升頻技術唔算特別，TW4500就在升頻嘅同時，連高清訊源都得以強化，透過「顏色分層」同「銳化模糊」兩個處理系統，將每格畫面重新再執靚，最明顯係影像邊緣唔再矇查查，線條更分明，目前其他同級機種都未做得到。

動態補償提升流暢度

今次TW4500特別加入原本應用於專業電影製作嘅3D LUT影像顏色處理系統，能夠令色彩更接近原本影像，唔會出現色彩變淡甚至偏色等投影機常見的問題。無可否認，用24p播放Blu-ray電影最有電影感，不過遇着好似《變形金剛》這類動作或科幻片，就會出現畫面稍為唔連貫嘅情況，TW4500於是再引入動態補償技術，在畫面之間插入經運算處理嘅影像，最高可將原來24Hz畫面提升至120Hz，播放高速影像時就更流暢。

超高對比度層次豐富

TW4500外觀跟上代幾乎一模一樣，同樣用上同級LCD晶片，但就再進一步改良自家嘅Deep Black Technology深層黑技術。今次在深層黑技術上加入改良版動態光圈技術，透過新設計嘅控制系統以及雙層活門，能更準確控制透光量並改善畫面對比度，令動態對比度提升至業界新高200,000:1。當然數字唔一定可信，但一睇TW450嘅投影畫面，就會發現黑位更實淨，暗位層次都睇得清清楚楚。

試片區

以下就用《變形金剛：狂派再起》Blu-ray碟試勻新加嘅「超解像」技術、動態補償技術，一睇就知有幾大分別。

關閉	開啟(第三級）超解像「超解像」技術設三級選擇，開盡到第三級時，影像邊緣銳利得多，岩石紋理清晰又富有質感，效果顯而易見。	暗位對比 TW4500擁有超高對比度，如沙塵間的暗位細節都清晰可見，抵讚。
動態補償動態補償技術利用插值來提升畫面流暢度，TW4500更可將畫面分成左右兩邊，方便比較兩者的分別，當然以開啟後的畫質（圖右）優勝得多。