近期家長界興玩自製相簿，可以用網上軟件，自己設計一本靚相簿，記錄仔女嘅成長點滴。

依家有好多網站都提供軟件，畀你編輯個人化相簿，我最鍾意快圖美嘅完美精裝相冊，皆因佢備有大量主題、背景圖片及裝飾配套，任你隨意編輯相片擺位同埋加入文字。如果自問對設計有要求，仲可以使用其他進階功能，例如色彩調校同埋加字模式等，簡直可以媲美專業嘅Photoshop軟件！

完美精裝相冊仲分為平裝版、精裝版和豪華版，可以按喜好選擇，然後帶埋有關檔案到任何一間快圖美訂製就得，幾咁方便，依家就郁手啦！

攞本自己整嘅囝囝相簿出去同啲同學仔媽咪Tea！ ，老公都讚我整得靚㗎！

其他推介

出書都得

叻太曾經發過夢想做作家，台灣人氣網站「點點印」推出嘅文庫本相簿軟件，提供多款編輯範本，可以按照其指定設計，擺放相片、文字，而且有齊書腰、書衣作者欄、展開、頁碼、版權頁等，人人都可以圓作家夢！

印刷網站

人氣網上印刷網站e-print近日都推出自助Photobook1010服務，五個步驟就可以完成一本寫真集，有鐵圈相冊、精裝相冊、無縫精裝等款式。依家至十二月十五日仲有推廣價，以$99訂製鐵圈相冊添呀！

靚樣補品：三十天緊膚

女人唔補好易老，即使結咗婚、生埋仔，女人都唔可以鬆懈，尤其係秋冬天氣乾燥，想護膚就要快手！想加快效果，就要用強效嘅抗衰老產品。Darphin Stimulskin Plus 30天緊膚提升再生療程，蘊含醯氨糖、深海基因、赤鐵礦萃取及寡勝踽，有效刺激細胞嘅自然更新及強化肌膚組織。一盒包括六支5ml嘅精華素，每五日用一支，每季用一個療程便可，使用一個月後，肌膚會變得緊緻有光澤，同時減少皺紋同幼紋，老公都話Good呀！

查詢：3101 0060

叻太起底

年齡：30以上40未滿

職業：全職家庭主婦

家庭狀況：家有老公及4歲囝囝