本文重點
蜜糖成分係單糖、果糖和葡萄糖、有機酸、人體所需微量元素及氨基酸等,超級有益!
又係叻太拋書包嘅時候!秋冬乾燥,一個唔覺意就傷風感冒,而肺部、氣管及喉嚨亦特別脆弱,據李時珍嘅《本草綱目》記載,蜜糖能清熱、補中、潤燥及止痛,而最能發揮蜜糖功效就係直接飲用,沖水飲亦唔錯。由於蜜糖有補濕效用,所以响超級乾燥嘅日子,我仲會用蜜糖敷面,不過蜜糖密度非常高,所以敷面唔可以超過十分鐘,而且避免混入其他材料,以免引起皮膚敏感。
溫馨提示:
1. 沖蜜糖水一定要用溫水,因為高溫會破壞蜜糖嘅天然養分。
2. 蜜糖含天然肉毒桿菌,一歲以下幼兒忌服,以免肚瀉。
3. 蜜糖含有果糖,不宜與豆腐同食,因為果糖會令豆類食品鈣化,引致消化不良。
老公吩咐我幫佢揀副新眼鏡,知道丹麥φrgreen眼鏡嘅顏色夠Sharp,一於去Look Look!
八卦到尊貴視力引入咗丹麥品牌Ørgreen,除咗有百幾款二○一○年最新眼鏡款式,仲首次有太陽眼鏡系列,亦會展出九月响法國Silmo眼鏡展曝光嘅新款添。
查詢:2522 1488
叻太起底
年齡:30以上40未滿
職業:全職家庭主婦
家庭狀況:家有老公及4歲囝囝