放大圖片

對機揮手打網球Sony Ericsson Yari

本文重點

周身郁玩體感遊戲
緊貼追蹤好友動向
機檔案

繼早前推出嘅千二萬像素影相手機Satio和大玩PS3連動嘅Aino後，首部內置Handsfee Gaming動作感應功能嘅Sony Ericsson Yari亦正式抵港，可以透過手機嘅鏡頭跟用家大玩網球同瑜伽體感遊戲，以後喺街上見到有人對住部電話手舞足蹈時，就唔好大驚小怪啦！

周身郁玩體感遊戲

自從手機內置動態感應功能之後，都出過唔少像搖骰盅等簡單的動感遊戲，不過Sony Ericsson剛推出的Yari，就首次加入了「Handsfree Gaming動作感應」，最大分別是只要在手機前揮手或擺動身體，系統就能直接偵測到用家的動作，跟以往揸住手機狂Fing嘅玩法好唔同。隨機附送網球及健身兩款體感遊戲，前者可以先設定玩家的擊球習慣及手勢，然後就會按難度及場地種類進行比賽，互動性十分高；而健身遊戲則要用家做出各種類似瑜伽的伸展動作，從而達至做運動的效果。同時，更預載了三十四款手機遊戲，如FIFA、LocoRoco等，屏幕頂也設有打機專用鍵，啱晒各位鍾意打機嘅朋友。

跟機附送手機座，方便座枱玩動作感應遊戲。

將手機橫放便變成座枱播放器。

緊貼追蹤好友動向

除了遊戲功能外，各位亦可以透過Yari內置的新版Google Maps和Latitude功能，實時分享自己的所在地位置，方便約埋附近的朋友出來行街食飯，當然亦唔少得今年先開始在SE手機出現的Facebook功能，登入後便能在待機畫面看到好友的最新狀態，方便隨時Follow。至於機背的五百萬像素自動對焦鏡頭，雖然不是由名廠蔡司出品，但亦支援人面對焦及微笑偵測功能，足夠用來拍片Snapshot，放上Facebook分享。

機頂有兩粒打機專用鍵，似足遊戲機手掣上的A/B鍵。	內置健身遊戲，可隨時隨地對住手機做瑜伽。	網球遊戲互動性高，手機會感應到開球、擊球及殺球等動作。
Yari採用滑蓋設計，備有黑色及紅白色兩款。$2,380	機背配備五百萬像素自動對焦鏡頭和LED補光燈。	相機支援微笑偵測等功能。