聽先達店員講，依家手機用戶嘅換機大前提已由「買邊款WM手機好」，變成「轉Android定iPhone好」，搞到WM手機變咗閒角，為此微軟在日前發布嶄新的Windows Mobile 6.5系統，跟足對手玩Marketplace購物平台，首天啟用便有二百多個軟件任下載，加埋年底前有十款Windows Phone面世，睇怕嚟緊又大把人爭住出機！

文︰Gilbert　攝︰Stella

可上Marketplace買軟件，雖然明跟對手，但WM6舊機都可以Update使用，咪話唔吸引。	Marketplace已有齊Blogger、Facebook及Flickr等社交程式下載，部分WM 6.5手機更已全部預載。	暫時本地開發的程式唔算多，最特別是這款《行Guide》，利用GPS定位幫用家搵餐廳，有齊電話地址，落Booking最啱。

伴隨新系統嘅發布，微軟亦正式將採用WM系統嘅手機，統一正名做「Windows Phone」，換句話說，以後WM唔會再分Standard或Professional版本，既避免了選購時引起混亂，也表示WM系統將全面改為篤芒操作。為隆重其事，微軟表示年底前會於二十個城市推出超過三十款Windows Phone，陣容 鼎盛。

My Phone有啲似ActiveSync，只係同步對象變咗雲端伺服器，每個Windows Live帳戶會有200MB免費空間，唔放片都應該夠用。	新IE 6.5對HTML的兼容度極高，連on.cc咁多資訊嘅網頁都可以100%顯示，而且對應埋Flash，可透過ontv睇曹格打側田。	微軟找來Isaac Mizrahi等名師重新設計Today介面，結合文字及大圖示，加埋手指觸控，外觀、操作都比以往優勝。

明跟對手玩購物

講到噱頭，就不得不提全新嘅Windows Marketplace，簡單來說，用家只要透過Windows Live帳戶，便能在手機上搜尋、瀏覽及購買應用程式，雖然目前程式數量只有二百四十六個，遠遠不及三十五萬個的App Store，但當中不乏常用程式如Facebook、MySpace及香港開發的《行Guide》等等。此服務已於十月六日正式面世，惟目前只提供予WM 6.5用戶使用，年底才兼容到WM 6.0或6.1手機。

六角形蜂巢式介面勁有型，Icon更可往上移位，方便用戶把常用功能置頂。	極速運算 Acer F1 Acer F1用咗全球最快嘅Qualcomm 1GHz CPU，運算速度比常見嘅533MHz快好多。	OLED靚芒 SE X2 最驚喜是發布會當日見到SE X2現身，3.5吋OLED屏幕配全銀QWERTY鍵盤，外形靚到爆，可惜冇得試玩。

首頁美化變有型

講番WM 6.5的介面轉變，以往Today首頁沉實到爆，好多美化工程都要靠手機廠自行開發，從而衍生出TouchFLO、Toshiba Touch等介面。如今來到改良版6.5代，Today主頁終於變得乾淨利落，所有選項打橫顯示，用手指捽一捽便能觀看新聞、時間及天氣等資訊，內裏的Widgets更可任意增減，就如往昔的Today Plugin一樣。另外，新系統也將「開始」及「程式集」二合為一，按「開始」便會彈出蜂巢式選單，圖示夠大勁有型，最重要是頁面可看到更多Icon，毋須經常轉頁浪費時間。

觸控二代 HTC Touch 2 Touch 2是HTC首部WM 6.5手機，搭載2.8吋芒配自家TouchFLO介面，規格只算一般。	純白誘惑 Toshiba TG01 全場最靚嘅要算呢部Toshiba TG01，全白機身配4.1吋巨芒，拿上手夠晒Eye Catching！	廖碧兒讚備份功能實用

可免費網上備份

由於3.5G流動寬頻愈趨普及，WM 6.5的網絡功能亦順勢升呢。其一是支援My Phone，它好比線上備份，用戶可把短訊、聯絡人、相片等重要資料，隨時同步至雲端伺服器上，以後無論手機唔見咗還是跌壞着唔番，只要一個密碼便可把資料還原過來，至啱大頭蝦使用。另一項強化則是全新的IE Mobile 6.5瀏覽器，可讀取完整HTML內容，網頁顯示不再變形，而是跟電腦版的顯示一樣，加埋對應Flash Lite，可看到Flash廣告及YouTube，上網體驗更勝iPhone。

四機搶先曝光

官方話年底前會在香港推出十款Windows Phone，當中除六款現有型號HTC Diamond 2、HTC Pro 2、Samsung Omnia II、Garmin-Asus nuvifone、Gigabyte S1200、LG GM730稍後會更新至WM 6.5外（詳情可瀏覽www.windowsphone.com），仲即場展出四款不日新作。

廖碧兒讚備份功能實用

廖碧兒原來係PocketPC舊用家，佢話最Buy新出嘅My Phone功能，可隨時將私人檔案備份上網，即使遺失電話都唔使驚冇咗啲重要資料。