廿四孝主人去旅行都想與狗同行，但長途跋涉狗狗可能暈機浪！其實去玩不用遠遊，最近有全新寵物樂園引進全天候室內泳池，在一片椰林樹影下，人狗坐船仔泛舟池上，勁有外國度假Feel！

近日進駐大埔的「寵物寶寶娛樂城」，全場焦點首推達二千平方呎的室內泳池，放眼處處椰林樹影，不但可供狗狗暢泳，一架架色彩鮮艷的船仔，可讓主人撐船陪狗狗游水，又或與愛犬來趟「親子」遊船河，池水經天然鹽分及過濾設施日夜淨化，乾淨衞生。泳術欠佳的狗狗，不妨移玉步到七彩遊樂場，玩到身水身汗可選擇自助沖身，又或索性來個Spa、浴泥，再歎埋香薰按摩，嘩，真係做狗好過做人囉！

七彩遊樂場，玩餐飽。（會員專享）	流線型泳池，景致開揚。	Spa浴池，大型犬也鬆動。（收費需自行查詢）

一站式買食住

叫得寵物樂園，當然有一站式百貨供主人與愛寵齊齊Shopping，諸如Raw味十足的木製傢俬，甚至雨林味洗髮水都有。此外，狗狗Cafe供應大量美食，包括大熱冰皮月餅、用北海道鮮奶製的人狗皆可食曲奇，全皆新鮮熱辣Homemade，再豪住這兒的貓狗酒店，簡直不枉「狗」生！

洗髮水散發雨林味、菠蘿味，將大自然感覺帶回家！$84/件	組合式傢俬 長形$1,480/件 弧形$1,180/件	茶几底是睡床，可讓貓咪藏匿。$1,280
北海道鮮奶製 曲奇$5/塊