開倉減價浪接浪，價錢唔夠平、牌子唔夠號召力都幾難吸引大家注意，周國賢就帶大家去位於加連威老道的上樓潮店I Love Hea尋寶，店舖除售賣自家品牌Hea與Unmarried及Kravitz等土炮街牌外，亦同時引入Ape、Hysteric Glamour、Undercover等多個炙手可熱的日潮牌，由今日起至十三日店舖將舉行開倉勁減，大部分貨品減至超低價$99，唔好執輸嘞！

上樓潮店I Love Hea網羅多個熱賣土炮街牌，所以向來有不少潮人捧場，如陳奕迅、方大同、鄧麗欣、EO2及周國賢等。今次開倉品牌包括Unmarried、Kravitz、Lucky Eight與Hea，除大量Print Tee外，也有短褲及潮男必備的配件。Unmarried與Kravitz以簡約的Tee作為主要創作平台，靈感都是意思語句或特別的圖像，概念充滿玩味，今次由原價賣二百幾蚊減至$99，絕對是掃貨的好時機。

Lucky Eight綠×黑色短褲原價$480　筍價$145	Hysteric紫紅色長袖Tee 原價$2,100 　筍價$99	Beams boy七彩Logo Tote Bag 原價$480　筍價$99

Tee文化夠搶眼

穿衣態度以舒服為主的周國賢，Print Tee絕對是他的至愛。「喜歡穿Tee除因舒服外，還有它是一種特別文化，衫身的Print對於我好重要，我會選擇大膽及創新的設計，因為它可以吸引別人注意及引起話題，最忌就是熟口熟面的款式，我覺得Unmarried的Print便很有風格。」配件方面，有至啱學生哥的背囊、皮帶與Cap帽等，還有潮人必備的膠框及木框眼鏡，一律減至$80，值得推介，一副眼鏡就可襯出至具日味的街頭Look。

Ape白色骷髏猿人Tee 原價$680　筍價$99	Evisu深藍色Logo Tee 原價$680 　筍價$99	（左）啡色木框眼鏡　原價$680　筍價$80（右）黑色膠框眼鏡原價$580　筍價$80

日潮牌限買一件

日潮牌永遠不乏支持者，店主今次特別精選Ape、Hysteric Glamour、Undercover、Number (N)ine及Super Lovers等作破天荒勁減，$99就可以買到這幾個熱爆日牌出品的服飾與配飾，絕對機會難逢。為免太快被搶購一空，店主規定每人只限購買一件，務求有足夠存貨讓顧客不會空手而回。

Kravitz及Unmarried Cap帽 原價各$288　筍價各$99	Unmarried牛仔帽原價$288　筍價$99	Unmarried紅色Print Tee 原價$288 筍價$99Unmarried卡其色短褲 原價$480 筍價$145黑色膠框眼鏡 原價$580 筍價$80

必掃鏡框

必掃清單中當然不少得日本筍貨，而本地出品除Tee外，其實配飾亦相當吸引，如Cap帽的款式選擇都算多，心水推介是Unmarried的牛仔Cap帽；另外眼鏡亦是必掃之列，除了襟興的黑色外，不要錯過近年流行的白膠框與木框，只售$80，認真抵買。

Kravitz綠色格仔恤衫 原價$480 筍價$145Kravitz 白色「Lucky Star」Tee 原價$288 筍價$99	Kravitz藍色背囊 原價$680　筍價$340	Ape白色迷彩Tee 原價$680 筍價$99Levi's特別版潑墨牛仔褲 原價$2,800 筍價$299白色膠框眼鏡 原價$580 筍價$80

查詢：2573 8308