近日與揸開車嘅朋友吹水，話題唔係買新車，而係公路上被截停「吹」。自從警方實施隨機酒精測試後，唔少人都試過「吹波波」，筆者上個月駛經觀塘一帶，都試過被截停吹波。閒談之間，「麻煩、阻時間」等晦氣說話少不了，不過大家都坦白承認，此例一出，就算酒癮幾大都好，明知要揸車嘅話都會收起僥倖心態、乖乖哋滴酒不沾，初步睇嚟新例都幾有效喎！