一寸光陰一寸金，我們自小便學會珍惜時間，明白守時的重要。每天為你報時、甚至喚醒你起床的鬧鐘，可說是最得力的助手。市面上的鬧鐘設計，有些靠突出的造型作招徠，有些卻以功能取勝，形形色色的，要挑選一個適合自己的報時好拍檔，話咁易啦。

對於每晚夜瞓，卻要每朝早起的人來說，起身那刻猶如一種天大的懲罰，因為爛瞓，家中的鬧鐘一個又一個地「殉職」，唔想賴床相信要諗諗計，此時一個「乞人憎」的鬧鐘就最能派上用場。

玩得睇得 此部老虎機除了讓你可以玩玩Jackpot外，更身兼鬧鐘一職，真係又玩得又睇得呀！$298（a）	響鑼響鼓 爛瞓豬對於嘟嘟聲的響鬧聲已聽厭？這個會於響鬧時發出鑼鼓聲響的鬧鐘，就最合你心水。$248（a）	拼砌積木 瞓到睡眼惺忪，仲要砌積木？無錯，事關要按熄呢個鬧鐘，就先要砌掂上端嘅三粒積木先得！$248（a）

鬧鐘款式 變化多端

所謂的「乞人憎」鬧鐘，就係要你做完一堆動作、搞完一大輪先可以停止響鬧，又舉重又要射擊，仲要砌砌圖，實行玩到精神起來，「周公」都畀佢趕走，以後相信無藉口再唔起身啦！

狂跳熱舞 當響鬧時間一到，Sexy Girl立即會跳起熱舞來，那時想繼續與「周公」傾偈都幾難！$248（a）	計時炸彈 晨早起身想聽到震撼的聲音，炸彈聲相信是不錯的選擇。這款計時炸彈，於響鬧時會有震耳欲聾的爆炸聲！$170（b）	強勁音效 想起身時精神High爆？大可考慮這個擁有「的士高」音樂及燈效的鬧鐘，夠晒盞鬼。$248（a）

此外，為顧及一班喜歡傳統設計鬧鐘的朋友，今次亦會介紹一些經典款式，為他們提供多一個掃貨選擇。

啞鈴設計 這個啞鈴形鬧鐘，重約1kg，特設運動模式，響鬧時要做三十下舉啞鈴動作，才可停止響鬧。$248（a）	木製外框 此款鬧鐘不論形狀或時針表面，都採用簡約的設計，但勝在外框以木製造，增添泰式風格。$202（b）	樹幹裝飾 鬧鐘選用青色的外框，再加上猶如樹幹形的裝飾，充滿田園色彩，最啱環保之士選用。$180（b）
超細鬧鐘 呢款鬧鐘咁的骰，擺多幾個在床頭叫醒自己都不覺礙位呢！備有多種顏色供選擇。$68/個（b）	一物兩用 擁有懷舊唱機外形的鬧鐘，用來作為擺設都不錯，更設有收音機功效，一物兩用。$128（a）	繽紛外框 經典的外形設計，看似簡約，實際上其外框用上繽紛的彩色橫間作點綴，夠晒Sharp醒。$248（b）
咪形設計 選用懷舊「咪高峰」的造型設計，輕易為鬧鐘取得吸引力，加上擁USB設計，可接駁電腦來使用，十分方便。$138（a）

傳統鬧鐘 響聲夠大

以下為大家介紹的鬧鐘，雖然功能比較傳統，但勝在款式新穎，響鬧聲音亦夠大，睡魔一定同你講Bye Bye！

特色鬧鐘 搞鬼過癮

傳統鬧鐘對貪睡的你起不了作用？一些備有特色響鬧聲音，或是需玩完遊戲才能關掉的款式，就最適合你！

查詢：（a）2504 1848　（b）2506 2888