有讀者向我求救，謂最近發現身邊一些好友經常毫無理由作出一些戲劇性舉動，例如遇到驚訝事會尖聲大叫，雙手大動作往後撥，奸笑的時候幾乎就以反手輕覆嘴角，猛然一看你還以為自己在看電視劇。

可是這還不夠要命，最要命是有意無意地做出一些明知論盡的行為，彷彿把自己當正公主或者浪漫小說的女主角，體弱、常常暈倒，冒失……聽說當中有些是小說《Twilight》的超級忠實粉絲，因此讀者擔心她很可能患上《Twilight》症候群。

被浪漫幻想小說風靡的女生，當然不是相信自己真會遇到吸血殭屍，卻時刻希望能像女主角般，即使我天生平凡不起眼，仍能在平淡生活中遇到戲劇性遭遇，擁有不枉此生的曲折浪漫經歷，甚至遇到命中注定的白馬王子，把她從平淡無聊的人生中拯救出來。

這些女生，有些可能只是十來二十歲，有些卻已經三十。不少人對此憂心忡忡，我卻不以為然。我說，三十又怎樣？大把女仔四十歲都仲係咁啦。當事人不知幾Enjoy，旁人擔心啲咩呢？你嗌醒佢，佢會感激你咩？你只係迫令佢變番你所認為嘅「正常」，要佢變番同你一樣，但就算變番同你一樣正正常常又點？你活得開心咩？你愛情幸福咩？

一句講晒。係靚女嘅，點做都係靚，變成點都有人原諒，分分鐘咁Dramatic仲更加有人Buy；係唔靚嘅，安分守己，莊重自強，都落得莫須有罪名，無伴終老，平淡一生。