落中環Clubbing，見到DJ打碟勁有型，唔少人都心癢癢想過吓手癮，可惜打碟器材唔平之餘仲鬼咁大部，唔係人人玩得起。好在Samsung一向創意多多，最近便推出全新音樂手機Beat DJ M7600H，不但有個模擬Jog Wheel畀你過足捽碟癮，還內置多種混音效果，連DJ Galaxy都大讚好Feel！

手機玩捽碟唔係首見，但大多數需要額外器材配合，而今次M7600H創先河內置「Beat DJ混音介面」，用家毋須額外成本便能體驗DJ的捽碟樂趣。

三葉形鏡頭模組設計勁有型，而且LED閃燈輸出幾夠力，Clubbing時「黑媽媽」都照到影相。	機側設有鎖機及音樂切換鍵，向右推便即時進入播歌介面。	喇叭設於機頂及機底兩側，聽歌、睇片時聲音可平均分布。

縮水唱盤一指Remix

M7600H外形似足縮水版音樂唱盤，弧形線條配拋光金屬面，單看外形已相當有街頭味道。它採用2.8吋AMOLED電容式觸屏，只要進入「Beat DJ混音介面」，便能透過指頭在模擬Jog Wheel上左捽右刮，做出Scratching捽碟效果。最勁是系統能夠讀取音樂中的BPM速度，再配合內置EQ做出不同效果，例如改變迴音大細、音調高低或節奏快慢等；嫌唔夠還可加入敲擊、鼓聲等二十多種樣本做Mixing，最後再用手機Save低，保證過足DJ癮。

內置50MB記憶體，並提供卡槽支援16GB microSD卡。	全觸屏操作，機面只有撥號、收線及返回三個按鍵，留意按鍵上的半圓形位置能作熱感操控，可捽住嚟轉歌及調節EQ音效。	內置多種EQ過濾器，例如可選定某段旋律調校成1/2、1/4或1/8拍子，加快或減慢歌曲節奏。

高低音色絕不含糊

空有技術，但音色不足也是徒然。手機為此內置雙立體聲喇叭及B&O ICE Power音效晶片，前者置於機身上下兩側，橫放時音色便能平均分布，不會大細聲；後者則能優化擴音質素，令小小的單元也能播放出強勁音色。筆者以電影《Step 2》中的名曲《Low》測試，發覺喇叭輸出相當澎湃，開至最大聲時高低音也絕不含糊，以手機來說相當唔錯。另外，它更支援FM錄音、音樂辨識、ID3歌曲標籤等功能，美中不足是USB頭有入無出，不能接駁其他MP3或CD機一齊玩大合奏。

最多可同時玩兩種EQ，增加Mixing變化。	提供二十種混音樣本，捽碟時可加入拍掌、敲擊等特效。	這就是模擬Jog Wheel，用手指捽便有Scratching作用。

Clubbing影相即上載

M7600H並非智能手機，反應速度唔算快，但就內置了大熱的TOUCHWiz用戶介面，可把各式Widget拉至桌面使用，簡化操作步驟。它也搭載了三百二十萬像素自動對焦鏡頭及LED閃燈，有齊臉部對焦、微笑快門及Geo-Tagging等標準選項，影完相還可直接放上Facebook、MySpace等社交網站，方便與其他蒲友分享。手機同時支援7.2Mbps下載速度，透過NetFront v3.5瀏覽器，操作媲美桌面電腦。

手機玩捽碟唔係首見，但大多數需要額外器材配合，而今次M7600H創先河內置「Beat DJ混音介面」，用家毋須額外成本便能體驗DJ的捽碟樂趣。

機檔案

制　　式︰ GSM四頻、UMTS

屏　　幕︰ 2.8吋1,670萬色AMOLED（240×400解像度）

鏡　　頭︰ 320萬像素自動對焦

記　憶　體︰ 內置50MB、支援microSDHC記憶卡（最高16GB）

ac通話時間︰ 7小時（2G）、4.5小時（3G）

備用時間︰ 400小時（2G）、300小時（3G）

體　　積︰ 112×51×13.9mm

重　　量︰ 98g

DJ Galaxy讚直讀BPM

到底部機捽碟表現如何，就聽吓DJ Galaxy點講：「部機有齊我哋常用的Echo、Tempo Change及Looper等效果，最勁係可直讀BPM，好少手機可以做到。只係佢唔能夠同時打兩首歌，而且Jog Wheel有少少Delay，但相信對推廣DJ Culture會有幫助！」